Санаи 24-уми сентябр дар Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд конфронси илмӣ дар мавзӯи “Мероси таърихии Хуҷанд” доир гардид.

Дар он Шарифзода Шариф Файз раиси шаҳри Хуҷанд, ректори ДДҲБСТ Ҷамшед Ҷӯразода, намояндагон аз Донишгоҳи давлатии Хуҷанд ба номи академик Б. Ғафуров, шоирон, нависандагон, олимон ва донишҷӯён ширкат доштанд.
Конфронсро Ҷ. Ҷӯразода ректори ДДҲБСТ ифтитоҳ намуда, ба кори он муваффақият хост ва ҳозиринро ба Рӯзи шаҳри Хуҷанд шодбош гуфт.

Зимни конфронс дар мавзӯи “Хуҷанд имрӯз ва уфуқҳои рушди фардо” Ш. Шарифзода раиси шаҳри Хуҷанд маърӯза намуда, иброз дошт: “Хуҷанд бо мардуми меҳнатдӯст ва сулҳпарвараш барои пойдории субот дар кишвар саҳми босазо мегузорад. Ин шаҳр таърихи қадима дошта, макони илм ва фарҳанг аст. Барои зебо ва обод намудани ҳар гӯшаи шаҳри азизамон пайваста талош мекунем ва ҷойҳои нави корӣ барои ҷавонон таъсис медиҳем”.

Дар идомаи конфронс номзади илмҳои таърих, Ҷурабек Исомаддинов дар мавзӯи “Нақши Хуҷанд дар бунёд ва инкишофи маданияти Шарқ” маърӯза намуд.

Ҷ. Исомаддинов зимни баромади худ бобати нигоҳдорӣ ва эҳёи мавзеъҳои таърихии шаҳр, эътибори шаҳдорӣ, нигоҳдории ёдгориҳои таърихӣ, ва азнавсозии симои ин шаҳри қадима ҳарф зад.

Ҳамчунин дар конфронс номзади илмҳои таърих, дотсент Ҳабибулло Тоатов дар мавзӯӣ “Хуҷанд дар замони истиқлолият”, номзади илмҳои филологӣ, дотсент Исломҷон Раҳимовдар мавзӯи “Анъана ва суннатҳои халқии Хуҷанд” баромад намуданд.

Дар охир баҳри ҳозирин барномаи фарҳангӣ пешкаш карда шуд.