Бо ташаббуси Раëсати кор бо ҷавонон ва варзиши вилояти Суғд дар толори мактаби Президентӣ барои хонандагони болаëқат дар шаҳри Бӯстон конфронси илмӣ таҳти унвони “Забон - шиносномаи миллат” баргузор гардид.

Иштирокчиёни конфронс дар мавзӯъҳои “Забон - яке аз пояҳои асосии пойдории Истиқлолияти миллӣ”, “Забон - болотарин арзиши миллӣ ба наслҳои оянда” ва “Забони миллӣ - симо ва пайкараи миллат” баромад намуданд.

Гуфта шуд, ки забони давлатӣ яке аз рукнҳои асосии давлату давлатдорӣ ба ҳисоб рафта, баҳри ҳифзу гиромидошти он бояд ҳар як сокини кишвар фаъолияти худро ба роҳ монда, саҳми худро дар таҳкими забони давлатӣ гузорад.