29 декабр дар Муассисаи давлатии “Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов” чорабинии идона бахшида ба Соли нави мелодӣ баргузор гардид.

Тибқи иттилоъ, чорабинии мазкур бо иштироки раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Гулаҳмадзода Зулфиқор Аҳмад, ректори Донишкадаи тарбияи ҷисмонии Тоҷикистон ба номи Саидмумин Раҳимов Амир Иброҳимзода, инчунин масъулин, омӯзгорон ва хонандагони муассиса дар фазои идона доир шуд.

Дар ҷараёни суханрониҳо масъулин ҳозиринро ба муносибати фарорасии Соли нави мелодӣ табрик намуда, ба хонандагон комёбиҳо дар таҳсилу варзиш орзу карданд.

Зимни чорабинӣ барномаи рангини фарҳангиву фароғатӣ пешкаши ҳозирин гардонида шуда, баромадҳои эҷодии хонандагон ва бозиҳои гуногуни варзишӣ намоиш дода шуданд.

Дар анҷоми чорабинӣ баҳри иштирокчиён дастархони идона ороста шуда, ҳамчунин аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон туҳфаҳо супорида шуд.

“ҶТ”