ҶОМЕА
Чоршанбе 23 Апрел 2025 08:50
Ё дар ин самт бонувон то кадом андоза муваффақанд?
Имрӯзҳо мушоҳида мешавад, ки дар ҷомеа занону духтарони тоҷик оҳиста - оҳиста ба соҳаи технология ва инноватсия рӯ меоранд. Гарчанде қаблан ин соҳа асосан ба мардон рабт дода мешуд, аммо имрӯз занону духтарон дар рушди илму технология, барномасозӣ, муҳандисӣ ва соҳибкориву инноватсионӣ фаъолона саҳми худро мегузоранд.
Президенти Ҷумҳурии Тоҷикистон муҳтарам Эмомалӣ Раҳмон дар суханрониҳояшон ба рушди илму техника таваҷҷуҳи хосса зоҳир намуда, онро омили асосии пешрафти кишвар мешуморанд.
Чуноне ки дар яке аз суханрониҳояшон чунин таъкид намуданд: “Илму техника омили асосии пешрафти ҷомеа ва кишвар мебошад. Бинобар ин, мо бояд ба рушди ин соҳаҳо таваҷҷуҳи махсус диҳем”.
Аз ҷумла, дар ҷойи дигар Пешвои миллат нақши занону бонувонро дар ин самт муҳим арзёбӣ намуда, чунин зикр намуданд: “Занон дар ҷомеаи имрӯзаи мо нақш ва мавқеи басо муҳим доранд. Кадом проб-лемаи дорои моҳияти иҷтимоиро нагиред, ҳаллу фасли онҳоро бе иштироки фаъолонаи занон, назардошти фикру андешаи онҳо тасаввур кардан душвор аст”.
ТАШАББУСҲОИ ЗАНОН ДАР СОҲАИ ТЕХНОЛОГИЯ
Чанде қабл дар як конфронси байналмилалӣ раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода нақши занонро дар илму техника муҳим арзёбӣ намуд.
Ӯ вобаста ба нақши меҳварии занону духтарони олим ва ихтироъкор дар пешрафти илми муосири тоҷик, дастовардҳои илмии занон дар самтҳои мухталифи илмӣ ибрози назар намуда, гуфт, ки занону духтарон бо ихтирооти нодири худ саҳми занонро дар арсаи ҷаҳонӣ муаррифӣ менамоянд.
- Имрӯз занону духтарони тоҷик бо дастовардҳои илмӣ ва ихтирооти нодир ҷоизадорони байналмилалӣ маҳсуб шуда, илми тоҷикро дар сатҳи ҷаҳонӣ муаррифӣ менамоянд, - иброз дошт ӯ.
Бояд гуфт, ки Рӯзи байналмилалии илм ва технологияи занон, ки ҳамасола 11 феврал таҷлил мешавад, дар Ҷумҳурии Тоҷикистон низ барои эътироф ва ҳавасманд кардани занон дар соҳаҳои илм, технология, муҳандисӣ ва математика (STEM) ҷашн гирифта мешавад. Гуфта мешавад, ки ин рӯз барои баланд бардоштани саводнокии техникӣ ва илмии занон ва духтарон, инчунин бартараф кардани монеаҳо ва шубҳаҳо, ки онҳоро аз вуруд ба соҳаҳои марбут ба илм ва технологӣ монеъ мешаванд, муҳим арзёбӣ мегардад.
Ин рӯзи махсус ёдоварӣ мекунад, ки дониш ва инноватсия барои равнақ ва рушди ҷомеа, иқтисодиёт ва технологияҳои муосир муҳим аст ва занон дар пешбурди ин раванд нақши муассир ва муҳим мебозанд.
ЗАНОН ВА РУШДИ БАРНОМАСОЗӢ
Барномасозӣ яке аз самтҳои асосии рушди технология дар Ҷумҳурии Тоҷикистон ба шумор меравад. Имрӯз, духтарони тоҷик ба омӯзиши забонҳои барномасозӣ мисли Python, Java, C++ ва HTML/CSS машғуланд ва дар лоиҳаҳои мухталифи технологӣ саҳм мегузоранд. Чандин духтари тоҷик аллакай тавонистанд, ки ширкатҳои хурди технологиро таъсис диҳанд ва бо таҳияи барномаҳои мобилӣ ва вебсайтҳо машғул шаванд.
Яке аз намунаҳои муваффақи занони барномасоз дар Тоҷикистон Маҳина Давлатова мебошад, ки дар соҳаи кибербехатарӣ кор мекунад ва барои баланд бардоштани сатҳи ҳифзи маълумоти корбарон дар кишвар фаъ-олият мебарад.
МУШКИЛИҲО НИЗ ВУҶУД ДОРАНД
Аммо мутахассисон бар он назаранд, ки дар Ҷумҳурии Тоҷикистон иштироки занон дар соҳаҳои илм ва технология тадриҷан меафзояд, вале дар баробари ин ҳанӯз дар муқоиса бо мардон дар ин соҳаҳо занон хеле каманд.
Вале, барои пешрафти бештари занон дар ин соҳаҳо ба ташвиқоти бештар, дастгирии иҷтимоӣ ва илмиашон, инчунин даст-расии ҳамоҳанг ва баробар ба захираҳо ва имкониятҳо ниёз аст.
Рустам Гулов, мутахассиси фанновариҳои навин дар Тоҷикистон мегӯяд, ки то ба ҳол дар ҷомеаи мо дар ин самтҳо таҳсил намудани духтарон маъмулӣ нашудааст, махсусан агар гап сари илмҳои техникӣ равад.
- Ин чиз дар интихоби касбҳое, ки ба илмҳои дақиқ алоқаманданд, садди роҳи духтарон мешавад. Волидайн аксаран бар онанд, ки барноманависиву инженериву омӯзиши технологияи рақамӣ “касби духтарона нест”. Дар асл бошад, ин касбҳо ба ҷинс ягон рабте надоранд ва агар инсон ба онҳо шавқу рағбат ва хоҳиши омӯзиш дошта бошад, албатта аз худ карда метавонад”, - гуфт ӯ.
Ба гуфтаи ӯ, мақомоти Тоҷикистон ва созмонҳои гуногун кӯшиш мекунанд, то занонро ба соҳаҳои илмӣ, технологӣ, муҳандисӣ ва математика (STEM) бештар ҷалб кунанд. Ба ҳамин манзур, чорабиниҳо ва барномаҳои махсус, ки ба дастрасии занон ба тахассусҳои муҳими рақамӣ ва технологӣ кӯмак мерасонанд, иҷро мешаванд, аммо то ҳол духтарон дар интихоби чунин касбҳо озод нестанд.
- Новобаста аз он, ки тайи чанд соли ахир барномаҳои зиёде амалӣ шудаанд, ки STEM-ро ба духтарон дастрастар кунанд, аммо ҳоло ҳам ба итминони комил гуфта намешавад, ки духтарон дар интихоби касбҳои муосир озоданд. То ҳол ба назар мерасад, ки волидайн духтарони худро бештар муаллиму духтур мебинанд, на ин ки муҳандису барноманавис, - илова намуд номбурда.
САҲМИ ЗАНОН ДАР СОҲИБКОРИИ ИННОВАТСИОНӢ
Занони тоҷик на танҳо дар барномасозӣ, балки дар соҳибкории инноватсионӣ низ пешсаф ҳастанд. Бисёре аз онҳо ширкатҳои хурди технологиро таъсис додаанд, ки ба рушди тиҷорат ва таҳияи маҳсулоти рақамӣ машғуланд.
Масалан, стартапҳои занон дар бахши савдои онлайнӣ рушд карда истодаанд, ки ин ба соҳибкорони хурд имкон медиҳад, ки маҳсулоти худро ба таври рақамӣ фурӯшанд ва даромади худро зиёд намоянд.
ТЕХНОЛОГИЯ ВА ТАЪСИРИ ОН БА БЕҲТАР ШУДАНИ ҲАЁТИ ЗАНОН
Яке аз муҳимтарин таъсири технологияи муосир ба ҳаёти занон - ин дастрасии бештар ба таҳсил ва омӯзиш мебошад. Имрӯз тавассути интернет занон метавонанд курсҳои онлайнро дар соҳаҳои гуногун, аз ҷумла тиб, муҳандисӣ, маркетинг ва соҳибкорӣ омӯзанд.
ДАСТГИРИИ ИҚТИСОДӢ ВА СОҲИБКОРӢ
Дар баробари ин, бино ба гуфтаи мутахассисон, технология барои занон дар Тоҷикистон имкониятҳои зиёдеро дар соҳаи соҳибкорӣ ба миён меорад. Аз ҷумла, платформаҳои савдои онлайнӣ дар шабакаҳои иҷтимоӣ аст, ки тавассути онҳо занону духтарон метавонанд маҳсулоти худро ба фурӯш гузоранд ва тиҷорати худро пеш баранд.
Аз ҷумла, барномаҳои мобилӣ ва шабакаҳои иҷтимоӣ мисли Facebook, Instagram ва Telegram ба занон имконият медиҳанд, ки тиҷорати шахсии худро бе хароҷоти зиёд оғоз кунанд. Бисёре аз занон дар Тоҷикистон тиҷорати худро дар соҳаи дӯзандагӣ, хӯрокворӣ ва хизматрасонӣ ба роҳ монда, тавассути интернет муштариёни худ-ро пайдо мекунанд.
Манижа Сайфиддинова, мутахассиси соҳа, бар он назар аст, ки ташвиқу тарғиби занону духтарон барои интихоби касбҳои техникию технологӣ, тавонмандсозии онҳо дар ҷараёни таълим ва ҷалби занону духтарон барои иштирок дар барномаҳои гуногуни техникӣ аз масъалаҳои муҳими ҷомеа маҳсуб шуда, дар ин самт кӯшиши зиёд ба харҷ дода мешавад.
Аз ҷумла ӯ зикр кард, ки бояд фаъолияти занону бонувон дар соҳаҳои илм ва технология қадрдонӣ карда шавад.
- Ба ин васила ҷомеаи ҷаҳонӣ огоҳ мегардад, ки саҳми онҳо дар пешрафти илму техника муҳим аст ва онҳо қодир ҳастанд, ки ба ҷомеа таъсири муассир гузошта, ҳар мушкилоти бамиёномадаро эҷодкорона ва самаранок ҳал намоянд. Занону духтарон метавонанд бо назари беназир навгониҳои ҷолиби илмиву технологӣ пешниҳод намоянд, - зикр кард номбурда.
Ӯ гуфт, технология инчунин дар беҳтар кардани дастрасии занон ба хидматҳои тиббӣ нақши муҳим дорад. Имрӯз, тавассути барномаҳои мобилӣ ва платформаҳои онлайн занон метавонанд бо духтурон машварат кунанд, маълумоти тиббиро омӯзанд ва бо мутахассисон дар тамос шаванд.
- Барномаҳои мобилӣ мисли “Sehat.tj” кӯмак мекунанд, ки занон бо табибон тамос гиранд ва маслиҳатҳои тиббиро дарёфт кунанд, ҳатто агар онҳо дар минтақаҳои дурдаст зиндагӣ кунанд. Ин махсусан барои занони ҳомиладор ва модарон, ки мехоҳанд саломатии худро нигоҳ доранд, муҳим мебошад, - илова кард ӯ.
Ҳамзамон, Манижа зикр кард, ки технология ба занон имкон медиҳад, ки овози худро баланд кунанд ва дар мубориза бо ҳуқуқҳои худ фаъол бошанд. Шабакаҳои иҷтимоӣ ва блогҳо ба занон имкон медиҳанд, ки дар бораи мушкилоти худ нақл кунанд ва ҷомеаро ба баррасии масъалаҳои муҳим даъват намоянд.
Президенти Ҷумҳурии Тоҷикистон муҳтарам Эмомалӣ Раҳмон беҳуда “Солҳои рушди иқтисоди рақамӣ ва инноватсия”-ро эълон накарданд.
Мақсади асосии ин ташаббус таъмини рушди бонизоми зеҳни сунъӣ, рақамикунонии иқтисодиёти миллӣ ва технологияҳои инноватсионӣ яке аз самтҳои афзалиятноки сиёсати пешгирифтаи давлат буда, он ба заминаҳои инфрасохтори иқтисоди рақамӣ ва асосҳои ҳуқуқии соҳа, ташкилу тақвияти он мусоидат мекунад.
Аз ҷумла, дар доираи он як зумра барномаву стратегияҳо аз ҷониби Ҳукумати мамлакат қабул гардид, ки инҳо “Консепсияи иқтисоди рақамӣ дар Ҷумҳурии Тоҷикистон”, “Барномаи миёнамуҳлати рушди иқтисоди рақамӣ барои солҳои 2021-2025”, “Стратегияи рушди зеҳни сунъӣ барои давраи то соли 2040”, “Барномаи савдои электронӣ барои солҳои 2025-2029” мебошанд.
Фарзонаи УМАРАЛӢ, “ҶТ”
Имрӯзҳо мушоҳида мешавад, ки дар ҷомеа занону духтарони тоҷик оҳиста - оҳиста ба соҳаи технология ва инноватсия рӯ меоранд. Гарчанде қаблан ин соҳа асосан ба мардон рабт дода мешуд, аммо имрӯз занону духтарон дар рушди илму технология, барномасозӣ, муҳандисӣ ва соҳибкориву инноватсионӣ фаъолона саҳми худро мегузоранд.
Президенти Ҷумҳурии Тоҷикистон муҳтарам Эмомалӣ Раҳмон дар суханрониҳояшон ба рушди илму техника таваҷҷуҳи хосса зоҳир намуда, онро омили асосии пешрафти кишвар мешуморанд.
Чуноне ки дар яке аз суханрониҳояшон чунин таъкид намуданд: “Илму техника омили асосии пешрафти ҷомеа ва кишвар мебошад. Бинобар ин, мо бояд ба рушди ин соҳаҳо таваҷҷуҳи махсус диҳем”.
Аз ҷумла, дар ҷойи дигар Пешвои миллат нақши занону бонувонро дар ин самт муҳим арзёбӣ намуда, чунин зикр намуданд: “Занон дар ҷомеаи имрӯзаи мо нақш ва мавқеи басо муҳим доранд. Кадом проб-лемаи дорои моҳияти иҷтимоиро нагиред, ҳаллу фасли онҳоро бе иштироки фаъолонаи занон, назардошти фикру андешаи онҳо тасаввур кардан душвор аст”.
ТАШАББУСҲОИ ЗАНОН ДАР СОҲАИ ТЕХНОЛОГИЯ
Чанде қабл дар як конфронси байналмилалӣ раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода нақши занонро дар илму техника муҳим арзёбӣ намуд.
Ӯ вобаста ба нақши меҳварии занону духтарони олим ва ихтироъкор дар пешрафти илми муосири тоҷик, дастовардҳои илмии занон дар самтҳои мухталифи илмӣ ибрози назар намуда, гуфт, ки занону духтарон бо ихтирооти нодири худ саҳми занонро дар арсаи ҷаҳонӣ муаррифӣ менамоянд.
- Имрӯз занону духтарони тоҷик бо дастовардҳои илмӣ ва ихтирооти нодир ҷоизадорони байналмилалӣ маҳсуб шуда, илми тоҷикро дар сатҳи ҷаҳонӣ муаррифӣ менамоянд, - иброз дошт ӯ.
Бояд гуфт, ки Рӯзи байналмилалии илм ва технологияи занон, ки ҳамасола 11 феврал таҷлил мешавад, дар Ҷумҳурии Тоҷикистон низ барои эътироф ва ҳавасманд кардани занон дар соҳаҳои илм, технология, муҳандисӣ ва математика (STEM) ҷашн гирифта мешавад. Гуфта мешавад, ки ин рӯз барои баланд бардоштани саводнокии техникӣ ва илмии занон ва духтарон, инчунин бартараф кардани монеаҳо ва шубҳаҳо, ки онҳоро аз вуруд ба соҳаҳои марбут ба илм ва технологӣ монеъ мешаванд, муҳим арзёбӣ мегардад.
Ин рӯзи махсус ёдоварӣ мекунад, ки дониш ва инноватсия барои равнақ ва рушди ҷомеа, иқтисодиёт ва технологияҳои муосир муҳим аст ва занон дар пешбурди ин раванд нақши муассир ва муҳим мебозанд.
ЗАНОН ВА РУШДИ БАРНОМАСОЗӢ
Барномасозӣ яке аз самтҳои асосии рушди технология дар Ҷумҳурии Тоҷикистон ба шумор меравад. Имрӯз, духтарони тоҷик ба омӯзиши забонҳои барномасозӣ мисли Python, Java, C++ ва HTML/CSS машғуланд ва дар лоиҳаҳои мухталифи технологӣ саҳм мегузоранд. Чандин духтари тоҷик аллакай тавонистанд, ки ширкатҳои хурди технологиро таъсис диҳанд ва бо таҳияи барномаҳои мобилӣ ва вебсайтҳо машғул шаванд.
Яке аз намунаҳои муваффақи занони барномасоз дар Тоҷикистон Маҳина Давлатова мебошад, ки дар соҳаи кибербехатарӣ кор мекунад ва барои баланд бардоштани сатҳи ҳифзи маълумоти корбарон дар кишвар фаъ-олият мебарад.
МУШКИЛИҲО НИЗ ВУҶУД ДОРАНД
Аммо мутахассисон бар он назаранд, ки дар Ҷумҳурии Тоҷикистон иштироки занон дар соҳаҳои илм ва технология тадриҷан меафзояд, вале дар баробари ин ҳанӯз дар муқоиса бо мардон дар ин соҳаҳо занон хеле каманд.
Вале, барои пешрафти бештари занон дар ин соҳаҳо ба ташвиқоти бештар, дастгирии иҷтимоӣ ва илмиашон, инчунин даст-расии ҳамоҳанг ва баробар ба захираҳо ва имкониятҳо ниёз аст.
Рустам Гулов, мутахассиси фанновариҳои навин дар Тоҷикистон мегӯяд, ки то ба ҳол дар ҷомеаи мо дар ин самтҳо таҳсил намудани духтарон маъмулӣ нашудааст, махсусан агар гап сари илмҳои техникӣ равад.
- Ин чиз дар интихоби касбҳое, ки ба илмҳои дақиқ алоқаманданд, садди роҳи духтарон мешавад. Волидайн аксаран бар онанд, ки барноманависиву инженериву омӯзиши технологияи рақамӣ “касби духтарона нест”. Дар асл бошад, ин касбҳо ба ҷинс ягон рабте надоранд ва агар инсон ба онҳо шавқу рағбат ва хоҳиши омӯзиш дошта бошад, албатта аз худ карда метавонад”, - гуфт ӯ.
Ба гуфтаи ӯ, мақомоти Тоҷикистон ва созмонҳои гуногун кӯшиш мекунанд, то занонро ба соҳаҳои илмӣ, технологӣ, муҳандисӣ ва математика (STEM) бештар ҷалб кунанд. Ба ҳамин манзур, чорабиниҳо ва барномаҳои махсус, ки ба дастрасии занон ба тахассусҳои муҳими рақамӣ ва технологӣ кӯмак мерасонанд, иҷро мешаванд, аммо то ҳол духтарон дар интихоби чунин касбҳо озод нестанд.
- Новобаста аз он, ки тайи чанд соли ахир барномаҳои зиёде амалӣ шудаанд, ки STEM-ро ба духтарон дастрастар кунанд, аммо ҳоло ҳам ба итминони комил гуфта намешавад, ки духтарон дар интихоби касбҳои муосир озоданд. То ҳол ба назар мерасад, ки волидайн духтарони худро бештар муаллиму духтур мебинанд, на ин ки муҳандису барноманавис, - илова намуд номбурда.
САҲМИ ЗАНОН ДАР СОҲИБКОРИИ ИННОВАТСИОНӢ
Занони тоҷик на танҳо дар барномасозӣ, балки дар соҳибкории инноватсионӣ низ пешсаф ҳастанд. Бисёре аз онҳо ширкатҳои хурди технологиро таъсис додаанд, ки ба рушди тиҷорат ва таҳияи маҳсулоти рақамӣ машғуланд.
Масалан, стартапҳои занон дар бахши савдои онлайнӣ рушд карда истодаанд, ки ин ба соҳибкорони хурд имкон медиҳад, ки маҳсулоти худро ба таври рақамӣ фурӯшанд ва даромади худро зиёд намоянд.
ТЕХНОЛОГИЯ ВА ТАЪСИРИ ОН БА БЕҲТАР ШУДАНИ ҲАЁТИ ЗАНОН
Яке аз муҳимтарин таъсири технологияи муосир ба ҳаёти занон - ин дастрасии бештар ба таҳсил ва омӯзиш мебошад. Имрӯз тавассути интернет занон метавонанд курсҳои онлайнро дар соҳаҳои гуногун, аз ҷумла тиб, муҳандисӣ, маркетинг ва соҳибкорӣ омӯзанд.
ДАСТГИРИИ ИҚТИСОДӢ ВА СОҲИБКОРӢ
Дар баробари ин, бино ба гуфтаи мутахассисон, технология барои занон дар Тоҷикистон имкониятҳои зиёдеро дар соҳаи соҳибкорӣ ба миён меорад. Аз ҷумла, платформаҳои савдои онлайнӣ дар шабакаҳои иҷтимоӣ аст, ки тавассути онҳо занону духтарон метавонанд маҳсулоти худро ба фурӯш гузоранд ва тиҷорати худро пеш баранд.
Аз ҷумла, барномаҳои мобилӣ ва шабакаҳои иҷтимоӣ мисли Facebook, Instagram ва Telegram ба занон имконият медиҳанд, ки тиҷорати шахсии худро бе хароҷоти зиёд оғоз кунанд. Бисёре аз занон дар Тоҷикистон тиҷорати худро дар соҳаи дӯзандагӣ, хӯрокворӣ ва хизматрасонӣ ба роҳ монда, тавассути интернет муштариёни худ-ро пайдо мекунанд.
Манижа Сайфиддинова, мутахассиси соҳа, бар он назар аст, ки ташвиқу тарғиби занону духтарон барои интихоби касбҳои техникию технологӣ, тавонмандсозии онҳо дар ҷараёни таълим ва ҷалби занону духтарон барои иштирок дар барномаҳои гуногуни техникӣ аз масъалаҳои муҳими ҷомеа маҳсуб шуда, дар ин самт кӯшиши зиёд ба харҷ дода мешавад.
Аз ҷумла ӯ зикр кард, ки бояд фаъолияти занону бонувон дар соҳаҳои илм ва технология қадрдонӣ карда шавад.
- Ба ин васила ҷомеаи ҷаҳонӣ огоҳ мегардад, ки саҳми онҳо дар пешрафти илму техника муҳим аст ва онҳо қодир ҳастанд, ки ба ҷомеа таъсири муассир гузошта, ҳар мушкилоти бамиёномадаро эҷодкорона ва самаранок ҳал намоянд. Занону духтарон метавонанд бо назари беназир навгониҳои ҷолиби илмиву технологӣ пешниҳод намоянд, - зикр кард номбурда.
Ӯ гуфт, технология инчунин дар беҳтар кардани дастрасии занон ба хидматҳои тиббӣ нақши муҳим дорад. Имрӯз, тавассути барномаҳои мобилӣ ва платформаҳои онлайн занон метавонанд бо духтурон машварат кунанд, маълумоти тиббиро омӯзанд ва бо мутахассисон дар тамос шаванд.
- Барномаҳои мобилӣ мисли “Sehat.tj” кӯмак мекунанд, ки занон бо табибон тамос гиранд ва маслиҳатҳои тиббиро дарёфт кунанд, ҳатто агар онҳо дар минтақаҳои дурдаст зиндагӣ кунанд. Ин махсусан барои занони ҳомиладор ва модарон, ки мехоҳанд саломатии худро нигоҳ доранд, муҳим мебошад, - илова кард ӯ.
Ҳамзамон, Манижа зикр кард, ки технология ба занон имкон медиҳад, ки овози худро баланд кунанд ва дар мубориза бо ҳуқуқҳои худ фаъол бошанд. Шабакаҳои иҷтимоӣ ва блогҳо ба занон имкон медиҳанд, ки дар бораи мушкилоти худ нақл кунанд ва ҷомеаро ба баррасии масъалаҳои муҳим даъват намоянд.
Президенти Ҷумҳурии Тоҷикистон муҳтарам Эмомалӣ Раҳмон беҳуда “Солҳои рушди иқтисоди рақамӣ ва инноватсия”-ро эълон накарданд.
Мақсади асосии ин ташаббус таъмини рушди бонизоми зеҳни сунъӣ, рақамикунонии иқтисодиёти миллӣ ва технологияҳои инноватсионӣ яке аз самтҳои афзалиятноки сиёсати пешгирифтаи давлат буда, он ба заминаҳои инфрасохтори иқтисоди рақамӣ ва асосҳои ҳуқуқии соҳа, ташкилу тақвияти он мусоидат мекунад.
Аз ҷумла, дар доираи он як зумра барномаву стратегияҳо аз ҷониби Ҳукумати мамлакат қабул гардид, ки инҳо “Консепсияи иқтисоди рақамӣ дар Ҷумҳурии Тоҷикистон”, “Барномаи миёнамуҳлати рушди иқтисоди рақамӣ барои солҳои 2021-2025”, “Стратегияи рушди зеҳни сунъӣ барои давраи то соли 2040”, “Барномаи савдои электронӣ барои солҳои 2025-2029” мебошанд.
Фарзонаи УМАРАЛӢ, “ҶТ”
Хабарҳои дигар
Рӯзнома
Эзоҳи худро нависед