Дар шаҳри Бангкоки Шоҳигарии Тайланд 38-ум ҷаласаи Ассамблеяи Шӯрои олимпии Осиё (ШОО) шуруъ гардид.

Дар ин ҷаласа Тоҷикистонро муовини Президенти Кумитаи миллии олимпӣ Абдуллозода Аҳтам ва котиби генералии Кумита Абдуллозода Муҳаммадшо намояндагӣ мекунанд.

Дар оғози ҷаласа Президенти Шӯрои олимпии Осиё Шайх Аҳмад Ал-Фаҳад Ал-Сабоҳ аъзои ШОО-ро хайрамақдам гуфта, нақши Бангкок ва Тайландро дар рушди Ҳаракати олимпӣ дар қораи Осиё баланд арзёбӣ кард.

“Ман таълимоти варзишиамро соли 1977 ҳамин ҷо оғоз кардам, зеро қарор буд Бозиҳои Осиё соли 1978 дар Бангкок баргузор шавад. Дар ин шаҳр 4 маротиба Бозиҳои Осиё, ҳамчунин Бозиҳои осиёии дохили толор, Бозиҳои осиёии ҳунарҳои размӣ, инчунин Бозиҳои соҳилии Осиё дар Пхукет доир гардидаанд ва мо барои баргаштан ба ин шаҳри зебо ҳамеша омодаем,” - гуфт президенти ШОО.

Дар асоси рӯзномаи ҷаласа ҳисоботи комиссияҳои доимамалкунандаи ШОО, комиссияи интихоботӣ, комиссияи зан ва варзиш шунида шуда, масъалаҳои хориҷ кардани аъзои ШОО бинобар вазифаи ва масъулияташон, интихоби роҳбарият, инчунин сардор ва аъзои комиссияи одоби ШОО дар давраи солҳои ‎2019-2023 баррасӣ мешавад. Ҳамчунин, мизбони Бозиҳои Осиё-2026 муайян хоҳад шуд.