ВАРЗИШ
Чоршанбе 21 Май 2025 01:27
Ё Муҳаммадшариф – “Хирс” - и майдони гӯштин кист?
Чанде пеш бахшида ба Ҷашни байналмилалии Наврӯз дар шаҳри Панҷакенти вилояти Суғд мусобиқаи байналмилалӣ оид ба гӯштингирӣ ташкил ва дар сатҳи баланд гузаронида шуд. Баргузории чунин мусобиқаҳои байналмилалӣ оид ба гӯштингирӣ дар рушди гӯштини миллӣ ва таҳкими нуфузи варзиши Тоҷикистон дар арсаи ҷаҳонӣ қадами муҳим буда, ҳамчунин, дар пайдо кардани варзишгарони соҳибтаҷриба низ заминаи хубе хоҳад буд.
Дар мусобиқаи мазкур варзишгарон аз кишварҳои гуногун иштирок карда, баҳри ба даст овардани натиҷаҳои назаррас талош намуданд. Аз миёни ин варзишгарон яке аз паҳлавонони тоҷик Муҳаммадшариф Наҷмиддинов баромади хубу арзанда нишон дода, дар вазни худ – 78 кг ба гирифтани нишони заррин сарфароз гардид. Дар матлаби мазкур хостем доир ба фаъолияти варзишии ин паҳлавони умедбахши кишвар бигӯем.
ОВОНИ НАВРАСӢ
Ин варзишгари бомаҳорату чолоки кишвар дар деҳаи Ҷавонони ноҳияи Файзобод ба дунё омадааст. Ӯ аз хурдсолӣ меҳр дошт ба дунёи варзиш. Ҳамин меҳру муҳаббат буд, ки аз овони наврасӣ ба машқу тамрин оғоз кард. Дар ҳамин вақт ӯ касби ояндаашро интихоб намуд. Аз ҳаштсолагӣ, ки дар ин синну сол бисёре аз наврасон ҳатто ба касби ояндаи худ фикр ҳам намекунанд, қаҳрамони мо аллакай ояндаи худро медид. Муҳаммадшариф Наҷмиддинов ба толори хурди варзишии зодгоҳаш рафта, ба омӯхтани нозукиҳои гӯштии самбову ҷудо шуруъ кард. Абдуқодир Зокиров, устоди сахтгир, мураббии нахусти қаҳрамони мо дар ин ҷода буд, ки ба ӯ ва шогирдони дигар дарси маҳорат меомӯхт ва пайваста малакаву ҳунари гӯштингириашонро такмил медод. Ин ҳама талошҳои устод барои он буд, ки дар оянда шогирдонаш варзишгарони касбӣ гашта, номбардори кишвари хеш шаванд.
АЗ ТАМРИНИ НАХУСТИН ТО РОҲ БА МУСОБИҚОТИ КАСБӢ
Рӯзҳои аввали тамрин барои Муҳаммадшариф осон набуд, ба мушкилиҳои зиёде рӯ ба рӯ мегардид. Қатъи назар аз ин, ӯ сидқан машқ мекарду аз ҷодаи интихобкардааш дилсард намегашт. Мекӯшид, ки дар байни дигарон намуна бошад. Бо гузашти вақт, малака пайдо намуда, маҳораташро баланд бардошт. Пас аз талошҳои пайваста ба ӯ имконият даст дод, то дар мусобиқот ширкат намуда, ҳунару маҳорати худро сайқал диҳад. Бо муваффақиятҳои пай дар пай дар дохили кишвар Муҳаммадшариф роҳи худро ба мусобиқоти берун аз ҷумҳурӣ низ боз намуд.
ҒОЛИБИЯТ ДАР ЧЕМПИОНАТИ ҶАҲОН
Соли 2017 бори нахуст дар мусобиқаи байналмилалӣ байни ҷавонон оид ба гӯштии самбо, ки дар пойтахти Қирғизистон – шаҳри Бишкек баргузор гашт, иштирок карда, сазовори медали биринҷӣ шуд.
Ин нуктаро худи варзишгар дар яке аз мусоҳибаҳояш бо ҳиссиёти зиёд баён кардааст. Қаҳрамони мо ҳамчунин дар идомаи суҳбат қайд кардааст, ки муваффақиятҳои ӯ баъд аз ин мусобиқа ба амал омадааст. Баъд аз он мусобиқа Муҳаммадшариф зери роҳбарии мураббии варзида Рауф Ҳукуматов тамринро оғоз кард. Соли 2019 ӯ дар шаҳри Тирмизи Узбекистон иштирокчии Чемпионати Осиё аз намуди гӯштини кураш гардид. Қаҳрамони мо бо маҳорати баланди варзишии худ тавонист ҳарифонашро мағлуб намуда, ба гирифтани медали заррин ва мақоми аввали вазни худ сазовор гардад. Моҳи октябри ҳамон сол бошад, дар Чемпионати ҷаҳон оид ба самбо байни ҷавонон, ки дар шаҳри Тошканд баргузор гардид, барандаи медали тилло гашт.
“Ҳар варзишгар орзу дорад, ки дар мусобиқаҳои ҷаҳонӣ парчами кишвараш парафшон гардад ва вақте ки дар ин мусобиқа Парчами Тоҷикистони азиз дар байни беш аз 45 кишвар дар садри парчамҳо буд, маро ҳисси ифтихор фаро гирифт”, – иброз медорад Муҳаммадшариф.
Пас аз ин натиҷаи назаррас ба қаҳрамони мо худи ҳамон сол, яъне соли 2019, унвони “Устоди дараҷаи байналмилалӣ оид ба самбо” дода шуд. Ӯ мегӯяд, дар муваффақиятҳои бадастовардааш саҳми мураббиёнаш хеле зиёд аст. Маҳз сахтгириву таъкидҳои пайвас-таи онҳо ин варзишгарро дар ҷодаи интихобнамудааш муваффақ гардонид.
Бештари мухлисони риштаи гӯштин Муҳаммадшариф Наҷмиддиновро бо тахаллуси “Хирс” мешиносанд. Чуноне худи варзишгар гуфтааст, ин лақабро ба ӯ ҳамдеҳагонаш гузоштаанд. Зеро ӯ ҳангоми тамрину зӯрозмоӣ дар мусобиқаҳо ба сони хирс меғуррад. Аз ин рӯ, ҳаводорони гӯштин ба ӯ чунин лақаб монда, ӯро чунин ном мебаранд.
МУВАФФАҚИЯТ ДАР ЧАНД НАВЪИ ГӮШТИН
Яке аз хусусиятҳои дигаре, ки қаҳрамони мо дорад, ин дар чанд навъи гӯштин ҳунарнамоӣ кардан ва дар ҳар кадоме муваффақ буданаш аст. Муҳаммадшариф Наҷмиддинов ҳамзамон дар навъҳои гӯштини миллӣ, кураш, самбо ва ҷудо дар мусобиқот ширкат карда, дар ҳар кадом натиҷаҳои назаррас низ дорад. Барои мисол, аз гӯштини кураш метавон аз Чемпионати Тоҷикистон оид ба кураш – 2025 ҳарф зад, ки моҳи январ баргузор гашта буд. Дар ин чемпионат Муҳаммадшариф дар вазни 81 кг ҳунарнамоӣ карда, ба гирифтани нишони заррин ва мақоми аввал мушарраф шуд. Дар риштаи гӯштини самбо, чуноне дар боло қайд кардем, Муҳаммадшариф Наҷмиддинов беҳтарин натиҷаи варзишии худро нишон дода, ба гирифтани унвони Қаҳрамони ҷаҳон оид ба самбо шарафёб шудааст. Дар гӯштини миллӣ низ натиҷаҳои арзанда ба даст овардааст.
Дар ин миён ӯ танҳо дар риштаи гӯштини ҷудо ба натиҷаи назаррас ноил нагардидааст. Гарчанде дар мусобиқоти ҳам дохил ва ҳам хориҷи кишвар иштирок кардааст, аммо ба гирифтани мақомҳои арзанда дар мусобиқоти сатҳи ҷаҳонӣ даст наёфтааст. Зеро дар ин навъи гӯштин варзишгарони соҳибтаҷриба зиёдтар ба назар мерасанд. Дар ҳамин ҳол Муҳаммадшариф Наҷмиддинов дар риштаи ҷудо зери вазни 73 кг баромад мекунад, ки варзишгарони ботаҷриба ва шинохтаи кишвар дар ин вазн ҳунарнамоӣ кардаанду мекунанд. Барои дар миёни онҳо мавқеъ пайдо карда ба натиҷаи назаррас ноил шудан, маҳорату таҷрибаи баланди варзишӣ лозим аст. Қаҳрамони мо, ки ҳанӯз ҷавон асту таҷрибаи камтар дорад, дар ин ҷода ба таври чашмрас муваффақ нест. Аммо бо иштироки ҳарчи бештар дар мусобиқоти гуногун сатҳи касбияти худро боло бардошта, ба муваффақият ноил хоҳад гашт.
Муҳаммадшариф дар мусобиқоти бонуфуз ва сатҳи баланди гӯштини ҷудо иштирок кардааст. Дар ин маврид метавон аз мусобиқаҳои сатҳи ҷаҳонӣ, аз қабили “Tbilisi Grand Slam 2022”, “Abu Dhabi Grand Slam” ва “Tashkent Grand Slam 2023”, “Dushanbe Grand Slam 2024”, “Portugal Grand Prix -2024” ном бурд, ки дар қатори беҳтарин варзишгарони тоҷик ҳунарнамоӣ кардааст. Чунин иштироки пайваста дар мусобиқоти сатҳи ҷаҳонӣ барои муваффақиятҳои оянда басо муҳим ва зарурӣ ба ҳисоб меравад.
УЛГӮ ДАР ҶОДА
Хеле аз варзишгарон, пеш аз он ки ба ҷодае аз варзиш ворид шаванд, нафареро барои худ улгӯ қарор медиҳанд. Ин ҳолат на танҳо дар варзиш, балки дар дигар касбҳо низ ба назар мерасад. Қаҳрамони мо низ пеш аз ворид шудан ба дунёи варзиш барои худ улгӯе дошт. Улгӯи ӯ Расул Боқиев, варзишгари шинохта ва муваффақи кишвар буд.
“Идеали ман Расул Боқиев, барандаи медали биринҷии Бозиҳои тобистонаи олимпии Пекин (соли 2008) аст. Вақте дар телевизион ҳунарнамоии ин номбардори кишварро медидам, мехостам мислаш бошам. Зӯрозмоиҳои ӯ шавқамро нисбат ба гӯштин бештар менамуд. Маҳз ҳунари волои Расул Боқиев сабаб шуд, ки ин риштаи варзишро интихоб намоям”, - мегӯяд дар яке аз суҳбатҳояш қаҳрамони мо.
Ҷавоне, ки дар кӯдакиаш Расул Боқиевро аз оинаи нилгун тамошо мекард ва орзуи варзишгари машҳур шуданро дошт, имрӯз худ барои ҳазорон наврас ва ҷавон намунаи ибрат аст. Ин ҳама натиҷаи заҳмату талошҳои пайвас-та ва муҳаббат ба ҷодаи интихобкарда аст, ки Муҳаммадшариф Наҷмиддиновро муваффақ гардонид.
Дар ҷодаи варзиш ба ин паҳлавони кишвар муваффақиятҳои пайвастаро хоҳонем.
Ҳошим РАҲМАТУЛЛОЕВ, “ҶТ”
Чанде пеш бахшида ба Ҷашни байналмилалии Наврӯз дар шаҳри Панҷакенти вилояти Суғд мусобиқаи байналмилалӣ оид ба гӯштингирӣ ташкил ва дар сатҳи баланд гузаронида шуд. Баргузории чунин мусобиқаҳои байналмилалӣ оид ба гӯштингирӣ дар рушди гӯштини миллӣ ва таҳкими нуфузи варзиши Тоҷикистон дар арсаи ҷаҳонӣ қадами муҳим буда, ҳамчунин, дар пайдо кардани варзишгарони соҳибтаҷриба низ заминаи хубе хоҳад буд.
Дар мусобиқаи мазкур варзишгарон аз кишварҳои гуногун иштирок карда, баҳри ба даст овардани натиҷаҳои назаррас талош намуданд. Аз миёни ин варзишгарон яке аз паҳлавонони тоҷик Муҳаммадшариф Наҷмиддинов баромади хубу арзанда нишон дода, дар вазни худ – 78 кг ба гирифтани нишони заррин сарфароз гардид. Дар матлаби мазкур хостем доир ба фаъолияти варзишии ин паҳлавони умедбахши кишвар бигӯем.
ОВОНИ НАВРАСӢ
Ин варзишгари бомаҳорату чолоки кишвар дар деҳаи Ҷавонони ноҳияи Файзобод ба дунё омадааст. Ӯ аз хурдсолӣ меҳр дошт ба дунёи варзиш. Ҳамин меҳру муҳаббат буд, ки аз овони наврасӣ ба машқу тамрин оғоз кард. Дар ҳамин вақт ӯ касби ояндаашро интихоб намуд. Аз ҳаштсолагӣ, ки дар ин синну сол бисёре аз наврасон ҳатто ба касби ояндаи худ фикр ҳам намекунанд, қаҳрамони мо аллакай ояндаи худро медид. Муҳаммадшариф Наҷмиддинов ба толори хурди варзишии зодгоҳаш рафта, ба омӯхтани нозукиҳои гӯштии самбову ҷудо шуруъ кард. Абдуқодир Зокиров, устоди сахтгир, мураббии нахусти қаҳрамони мо дар ин ҷода буд, ки ба ӯ ва шогирдони дигар дарси маҳорат меомӯхт ва пайваста малакаву ҳунари гӯштингириашонро такмил медод. Ин ҳама талошҳои устод барои он буд, ки дар оянда шогирдонаш варзишгарони касбӣ гашта, номбардори кишвари хеш шаванд.
АЗ ТАМРИНИ НАХУСТИН ТО РОҲ БА МУСОБИҚОТИ КАСБӢ
Рӯзҳои аввали тамрин барои Муҳаммадшариф осон набуд, ба мушкилиҳои зиёде рӯ ба рӯ мегардид. Қатъи назар аз ин, ӯ сидқан машқ мекарду аз ҷодаи интихобкардааш дилсард намегашт. Мекӯшид, ки дар байни дигарон намуна бошад. Бо гузашти вақт, малака пайдо намуда, маҳораташро баланд бардошт. Пас аз талошҳои пайваста ба ӯ имконият даст дод, то дар мусобиқот ширкат намуда, ҳунару маҳорати худро сайқал диҳад. Бо муваффақиятҳои пай дар пай дар дохили кишвар Муҳаммадшариф роҳи худро ба мусобиқоти берун аз ҷумҳурӣ низ боз намуд.
ҒОЛИБИЯТ ДАР ЧЕМПИОНАТИ ҶАҲОН
Соли 2017 бори нахуст дар мусобиқаи байналмилалӣ байни ҷавонон оид ба гӯштии самбо, ки дар пойтахти Қирғизистон – шаҳри Бишкек баргузор гашт, иштирок карда, сазовори медали биринҷӣ шуд.
Ин нуктаро худи варзишгар дар яке аз мусоҳибаҳояш бо ҳиссиёти зиёд баён кардааст. Қаҳрамони мо ҳамчунин дар идомаи суҳбат қайд кардааст, ки муваффақиятҳои ӯ баъд аз ин мусобиқа ба амал омадааст. Баъд аз он мусобиқа Муҳаммадшариф зери роҳбарии мураббии варзида Рауф Ҳукуматов тамринро оғоз кард. Соли 2019 ӯ дар шаҳри Тирмизи Узбекистон иштирокчии Чемпионати Осиё аз намуди гӯштини кураш гардид. Қаҳрамони мо бо маҳорати баланди варзишии худ тавонист ҳарифонашро мағлуб намуда, ба гирифтани медали заррин ва мақоми аввали вазни худ сазовор гардад. Моҳи октябри ҳамон сол бошад, дар Чемпионати ҷаҳон оид ба самбо байни ҷавонон, ки дар шаҳри Тошканд баргузор гардид, барандаи медали тилло гашт.
“Ҳар варзишгар орзу дорад, ки дар мусобиқаҳои ҷаҳонӣ парчами кишвараш парафшон гардад ва вақте ки дар ин мусобиқа Парчами Тоҷикистони азиз дар байни беш аз 45 кишвар дар садри парчамҳо буд, маро ҳисси ифтихор фаро гирифт”, – иброз медорад Муҳаммадшариф.
Пас аз ин натиҷаи назаррас ба қаҳрамони мо худи ҳамон сол, яъне соли 2019, унвони “Устоди дараҷаи байналмилалӣ оид ба самбо” дода шуд. Ӯ мегӯяд, дар муваффақиятҳои бадастовардааш саҳми мураббиёнаш хеле зиёд аст. Маҳз сахтгириву таъкидҳои пайвас-таи онҳо ин варзишгарро дар ҷодаи интихобнамудааш муваффақ гардонид.
Бештари мухлисони риштаи гӯштин Муҳаммадшариф Наҷмиддиновро бо тахаллуси “Хирс” мешиносанд. Чуноне худи варзишгар гуфтааст, ин лақабро ба ӯ ҳамдеҳагонаш гузоштаанд. Зеро ӯ ҳангоми тамрину зӯрозмоӣ дар мусобиқаҳо ба сони хирс меғуррад. Аз ин рӯ, ҳаводорони гӯштин ба ӯ чунин лақаб монда, ӯро чунин ном мебаранд.
МУВАФФАҚИЯТ ДАР ЧАНД НАВЪИ ГӮШТИН
Яке аз хусусиятҳои дигаре, ки қаҳрамони мо дорад, ин дар чанд навъи гӯштин ҳунарнамоӣ кардан ва дар ҳар кадоме муваффақ буданаш аст. Муҳаммадшариф Наҷмиддинов ҳамзамон дар навъҳои гӯштини миллӣ, кураш, самбо ва ҷудо дар мусобиқот ширкат карда, дар ҳар кадом натиҷаҳои назаррас низ дорад. Барои мисол, аз гӯштини кураш метавон аз Чемпионати Тоҷикистон оид ба кураш – 2025 ҳарф зад, ки моҳи январ баргузор гашта буд. Дар ин чемпионат Муҳаммадшариф дар вазни 81 кг ҳунарнамоӣ карда, ба гирифтани нишони заррин ва мақоми аввал мушарраф шуд. Дар риштаи гӯштини самбо, чуноне дар боло қайд кардем, Муҳаммадшариф Наҷмиддинов беҳтарин натиҷаи варзишии худро нишон дода, ба гирифтани унвони Қаҳрамони ҷаҳон оид ба самбо шарафёб шудааст. Дар гӯштини миллӣ низ натиҷаҳои арзанда ба даст овардааст.
Дар ин миён ӯ танҳо дар риштаи гӯштини ҷудо ба натиҷаи назаррас ноил нагардидааст. Гарчанде дар мусобиқоти ҳам дохил ва ҳам хориҷи кишвар иштирок кардааст, аммо ба гирифтани мақомҳои арзанда дар мусобиқоти сатҳи ҷаҳонӣ даст наёфтааст. Зеро дар ин навъи гӯштин варзишгарони соҳибтаҷриба зиёдтар ба назар мерасанд. Дар ҳамин ҳол Муҳаммадшариф Наҷмиддинов дар риштаи ҷудо зери вазни 73 кг баромад мекунад, ки варзишгарони ботаҷриба ва шинохтаи кишвар дар ин вазн ҳунарнамоӣ кардаанду мекунанд. Барои дар миёни онҳо мавқеъ пайдо карда ба натиҷаи назаррас ноил шудан, маҳорату таҷрибаи баланди варзишӣ лозим аст. Қаҳрамони мо, ки ҳанӯз ҷавон асту таҷрибаи камтар дорад, дар ин ҷода ба таври чашмрас муваффақ нест. Аммо бо иштироки ҳарчи бештар дар мусобиқоти гуногун сатҳи касбияти худро боло бардошта, ба муваффақият ноил хоҳад гашт.
Муҳаммадшариф дар мусобиқоти бонуфуз ва сатҳи баланди гӯштини ҷудо иштирок кардааст. Дар ин маврид метавон аз мусобиқаҳои сатҳи ҷаҳонӣ, аз қабили “Tbilisi Grand Slam 2022”, “Abu Dhabi Grand Slam” ва “Tashkent Grand Slam 2023”, “Dushanbe Grand Slam 2024”, “Portugal Grand Prix -2024” ном бурд, ки дар қатори беҳтарин варзишгарони тоҷик ҳунарнамоӣ кардааст. Чунин иштироки пайваста дар мусобиқоти сатҳи ҷаҳонӣ барои муваффақиятҳои оянда басо муҳим ва зарурӣ ба ҳисоб меравад.
УЛГӮ ДАР ҶОДА
Хеле аз варзишгарон, пеш аз он ки ба ҷодае аз варзиш ворид шаванд, нафареро барои худ улгӯ қарор медиҳанд. Ин ҳолат на танҳо дар варзиш, балки дар дигар касбҳо низ ба назар мерасад. Қаҳрамони мо низ пеш аз ворид шудан ба дунёи варзиш барои худ улгӯе дошт. Улгӯи ӯ Расул Боқиев, варзишгари шинохта ва муваффақи кишвар буд.
“Идеали ман Расул Боқиев, барандаи медали биринҷии Бозиҳои тобистонаи олимпии Пекин (соли 2008) аст. Вақте дар телевизион ҳунарнамоии ин номбардори кишварро медидам, мехостам мислаш бошам. Зӯрозмоиҳои ӯ шавқамро нисбат ба гӯштин бештар менамуд. Маҳз ҳунари волои Расул Боқиев сабаб шуд, ки ин риштаи варзишро интихоб намоям”, - мегӯяд дар яке аз суҳбатҳояш қаҳрамони мо.
Ҷавоне, ки дар кӯдакиаш Расул Боқиевро аз оинаи нилгун тамошо мекард ва орзуи варзишгари машҳур шуданро дошт, имрӯз худ барои ҳазорон наврас ва ҷавон намунаи ибрат аст. Ин ҳама натиҷаи заҳмату талошҳои пайвас-та ва муҳаббат ба ҷодаи интихобкарда аст, ки Муҳаммадшариф Наҷмиддиновро муваффақ гардонид.
Дар ҷодаи варзиш ба ин паҳлавони кишвар муваффақиятҳои пайвастаро хоҳонем.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед