ВАРЗИШ
Душанбе 16 Июл 2018 07:17
4562

Рўзи 27 июни соли ҷорӣ маросими кушодашавии даври дуюми Фестивали бозиҳои миллии варзишӣ, дар варзишгоҳи марказии ноҳияи Ҷалолиддини Балхӣ бо иштироки намояндаи Кумитаи кор бо ҷавонон ва варзиш, муовини соҳавии раиси вилоят, раиси ноҳия, сардори Раёсати кор бо ҷавонон ва варзиши вилояти Хатлон, собиқадорони соҳа ва мураббиёну варзишгарон дар сатҳи баланд баргузор гардид.

Зимни чорабинӣ, тариқи барномаҳои театрикунонидашуда намудҳои миллии варзиш аз қабили гўштини миллӣ, хурусҷанг, чиликдангал, ланкабозӣ, биҷилбозӣ, камонварӣ, камонғўлак, фалағмолпартоӣ, шоҳмот, ҳойталак, бандкашӣ ва ҳамзамон як қатор намудҳои муосири варзиш аз қабили футбол, волейбол, таэвондо (ВТФ), шамшербозӣ, гимнастика, бокс, дастхобонӣ ва ғайраҳо муаррифӣ карда шуданд.

Дар чорабинӣ беш аз 3000 нафар аз ҷумла, 1000 нафар аз ҳисоби кормандони соҳа, собиқадорон, мураббиён, варзишгарон, ҷоизадорони мусобиқаҳои сатҳи ҷумҳуриявию байналмилалӣ аз шаҳру ноҳияҳои вилоят ва беш аз 2000 нафар тамошобинон иштирок намуданд.

Дар доираи даври дуюми фестивал, нимаи аввали моҳи июли соли равон мусобиқаҳо аз рўи намудҳои гўштини миллӣ, чавгонбозӣ, шиноварӣ, вазнбардорӣ (сангбардорӣ), дастхобонӣ, пойга, шоҳмот ва бандкашӣ баргузор карда мешаванд.

фестивал.jpg



Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Июл 2018 c.