ВАРЗИШ
Якшанбе 28 Апрел 2024 10:10
23 – юми марти соли ҷорӣ ба ифтихори Иди байналмилалии Наврӯз дар Муассисаи давлатии «Наврӯзгоҳи пойтахт» мусобиқаи ҷумҳуриявӣ оид ба гуштини миллӣ барои дарёфти ҷоми «Пойтахт-2017» баргузор гардид. Дар ин чорабинии пуртантан 8 даста аз қабили Душанбе – 1 ва 2, Хатлон-1 ва 2, Суғд, Вилояти Мухтори Кӯҳистони Бадахшон ва Рашту дигарон дар шумули зиёда аз 32 варзишгарони чолоку номӣ дар вазнҳои 65+, -80 ва 80 + кг иштирок ва қувваозмоӣ карданд.
Баъди қувваозмоии ниҳоӣ дар вазни 80+ кг миёни паҳлавон Саидҷалол Саидов ва Комроншоҳи Устопириён аз ҷониби мағлуб Комроншоҳи Устопириён рафтори номақбул зоҳир гардид, ки тавассути васоити ахбори омма мустаҳқиман пахш шуду сару садоҳои зиёдро ба бор овард. Акси ҳол ин буд, ки Комроншоҳи Устопириён зимни рақобат бо ҳарифаш Саидҷалол Саидов мағлуб шуд ва мағлубияти хешро қабул надошта, ба дашному ҳақорат роҳ дод.
Бинобар сабаби пахши мустаҳқими ин чорабинии сатҳи баланд тавассути шабакаи телевизионии “Варзиш” ин амали Комроншоҳи Устопириён аз назари мухлисону ҳаводорони варзиш ва тамошбинон дур намонд. Дар суҳбат бо “Озодӣ” Комроншоҳ иддао кард, ки баҳогузории доварон ноадолатона анҷом пазируфту муносибати мухлисон ӯро ба хашм овард.
Ҷиҳати таҳлилу санҷиши воқеъбинонаи ҳолати мазкур Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон оҷилан таҳти роҳбарии муовини соҳавии раиси Кумита Дилшод Назаров гурӯҳи махсуси кориро бо ҷалби роҳбарияти федератсияҳои варзишии гуштингирӣ, гуштини дзюдо ва самбо, инчунин мутахассисон-доварони варзиши гуштин таъсис дод.
Доир ба қазияи мазкур бо роҳбари гурӯҳи корӣ Дилшод Назаров ҳамсуҳбат шудем.
-Гурӯҳи корӣ кай ба кори худ шуруъ намуд?
– Дар асоси дастури раиси Кумитаи ҷавонон, варзиш ва сайёҳӣ зери роҳбарии ман доир ба омӯзиш ва таҳлили ҳамаҷонибаи ҷараёни ташкил ва баргузории мусобиқаи ҷумҳуриявӣ оид ба гуштини миллӣ барои дарёфти ҷоми «Пойтахт-2017» ва рафтори берун аз одоби варзишгар Комроншоҳи Устопириён субҳи 27-уми март гурӯҳи кории босалоҳият таъсис дода шуд.
Мо кӯшиш намудем, ки ба кори гурӯҳ роҳбарияти федератсияҳои гӯштин, мутахассисони соҳибтаҷриба ва беғаразро шомил намоем. Хамзамон, бо мақсади шаффоф баргузор шудани таҳлили мазкур зарур шуморида шуд, ки дар тамоми раванди кори он худи варзишгар Комроншоҳи Устопириён ва муррабии ӯ ҷалб карда шаванд. Ва тайи муҳлати сипаригашта аъзоёни комиссия ҳамаи паҳлуҳои ин қазъияро таҳлил карда, хулосаи амиқ бароварданд.
–Ҳамчун мутахассиси соҳа ва варзишгари касбиву шоҳиди воқеа ба кори доварон чӣ гуна баҳо медиҳед?
– Доварӣ бисёр кори нозук ва душвор аст. Дар мусобиқаҳои байналмилалӣ низ дида мешавад, ки доварон иштибоҳ мекунанд, чун онҳо низ инсонанд ва таҳти фишори баланди руҳию равонӣ қарор доранд. Қобили зикр аст, ки то имрӯз аз болои ҳаракатҳои ноодилонаи доварон ба федератсия ва Кумита ягон шикояти расмӣ ворид нашудааст. Вале бо вуҷуди ин, ба хотири пурра ва ҳамаҷониба муайян кардани масъалаи мазкур ва таҳлили кори доварон, сабтҳои навори видеои сабқати мазкур дархост карда шуда, дар доираи гурӯҳи корӣ ҳамаҷониба ва дар ҳузури варзишгар Комроншоҳи Устопириён сония ба сония таҳлил карда шуд.
Натиҷаи таҳлил ва мавқеи тамоми аъзои гурӯҳи корӣ, махсусан варзишгар Комроншоҳи Устопириён бар он назар аст, ки зимни сабқати даври финалии мусобиқоти гӯштини миллӣ ҳайати доварон ба хатогӣ роҳ надодаанд ва Саидҷалол Саидов барҳақ ғолиб дониста шудааст.
-Амали анҷомдоди Комроншоҳи Устопириён – дашном додани мухлисони гуштини миллиро чӣ гуна шарҳ медиҳед?
Варзишгари асилу касбӣ бо қувваи бозӯ ва фарҳанги волои муносибату муошират шинохта мешавад. Дар ҳама ҳолат бояд варзишгар рафтору кирдори хешро идора карда тавонад, чунки ба ӯ ҳазорон мухлисон назар доранд ва умед бар онанд, ки аз кувваозмоию ҷавонмардии паҳлавон руҳашон болида мегардад, на таъбашон хира.
Дар баробари ин, варзишгари номӣ бояд доим эҳсос намояд, ки ӯ таҷассумгари симои миллат аст. Дар арсаи байналмилалӣ ӯро на ҳамчун шахси алоҳида, балки ҳамчун намояндаи давлату миллат эътироф менамоянд. Ин масъулияти баландро ҷаҳонпаҳлавонон ба дӯш гирифта, бо рафтору кирдор ва гуфтори худ бояд намунаи ибрат ва ифтихори миллат бошанд.
Вақте ки варзишгар маъруф мешавад, ҳар як ҳаракату сухан ва рафтори ӯ барои гурӯҳи муайяни ҷавонону наврасон намунаи ибрат пазируфта мешавад. Ин дар баробари обрӯ ва эътибор масъулияти хело гарон аст, ки ҳамеша онро бояд гиромӣ дошт.
Қиммати одоби варзишгар аз қиммати медали тиллои олимпӣ низ баландтар аст.
Худ шоҳид будем, ки зимни қувваозмоии Нурулло Неъматов ва Комроншоҳи Устопириён низ мухлисон сӯи Нурулло садо баланд карданд. Ин хоси мухлис аст, ки ба ваҷҳ омада, ҳиссиёти худро берун меоварад. Лекин Нурулло Неъматов маърифати баланди инсонии худро нишон дода, мағлубияташро қабул карду эҳтироми рақиб ва мухлисону ҳаводорони варзишро ба ҷо овард. Нурулло Неъматов касеро дашном надод ва ин аст ҷавонмардии паҳлавони асил.
Комроншоҳи Устопириён ҷавон аст, ҳар кас хато мекунад ва муҳим он аст, ки ӯ имрӯз хатои худро фаҳмид ва расман аз тамоми мардум узр хост. Албатта мо маҷбурем, ки дар доираи сиёсати давлатии ҷавонон ба хотири ҷилавгирӣ аз ҳодисаҳои ҳамшабеҳ қарори дахлдор қабул намоем, вале тибқи дастури роҳбарияти Кумита мо минбаъд низ баҳри ташаккули малакаҳои варзишии Комроншоҳ ва иштирокаш дар мусобиқаҳои байналмилалӣ дар доираи имкониятҳои мавҷуда мусоидат хоҳем кард.
– Агар ҳамин гуна ҳолат дар мусобиқаҳои байналмилалӣ рух диҳад, бо варзишгар чӣ гуна муносибат мекунанд?
-Пеш аз ҳама варзишгар аз мусобиқа хориҷ мешавад ва мураббии варзишгар танбеҳ мегирад. Метавонанд варзишгарро ба муддати тулонӣ аз иштирок дар мусобиқаҳо дур кунанд.
- Варзишгари асилро чӣ гуна мебинед?
- Варзишгар бояд ҳам ҷисман пурқувват бошаду ҳам руҳан обутобёфта. Варзишгар бояд дарк намояд, ки ӯро ҳамчун намояндаи миллат муарифӣ менамоянд ва ба ӯ тамоми дунё чашм меандозанд. Дар симои ӯ фарҳангу маърифати миллаташро баҳо медиҳанд.
Мутаассифона, баъзан варзишгарони ҷавони мо аз ҷиҳати равонӣ то ҳол пурра омода нашудаанд, чун варзиш бе бохт намешавад ва бохтро низ бояд қабул карда тавонист. Варзишгар бояд вазъи руҳии худро идора карда тавонад, чунки ҳариф аз ин камбудӣ метавонад васеъ истифода барад.
Варзишгаре, ки асабонӣ мешавад ӯ худро идора карда наметавонад, вазифаи худро аз вазифаи мураббию довар фарқ карда наметавонад, хом аст. Дар мусобиқаҳои байналмилалӣ мебинем, ки миёни варзишгарон ва ё варзишгару довар нофаҳмӣ рух медиҳад. Мо қаҳрамонҳои олимпиро медонем, ки ҳангоми сабқат аз қоида берун ҳарифонро мушт мезананд, вале онҳо ҳалли қазъияро бар души мураббиёну доварон мегузоранд. Муқарраротро иҷро мекунанд. Ба ин варзишгари Россия Хаджимурод Гадсалов мисол шуда метавонад, ки панҷ маротиба қаҳрамони ҷаҳон ва ду маротиба қаҳрамони Бозиҳои олимпӣ аз намуди гӯштини тарзи озод аст. Вақте дар муҳориба варзишгари гурҷӣ чашмашро ҷароҳатдор мекунад, ӯ ҳатто ҷониби ҳариф нигоҳ намекунад, корро ба дӯши доварон мегузорад. Ё муҳорибаи варзишгарони маъруфи дигари Россия Адам Сайтиев ва Аниувар Гедуев, ки соли 2012 барои ба даст овардани роҳхати олимпиада сурат гирифта буд, намунаи ин гуна эҳтироми ахлоқи варзишӣ аст. Баъди нофаҳмӣ миёни доварон тамоми мухлисон болои гилем баромада, бо якдигар даст ба гиребон мешаванд. Вале худи варзишгарони номбурда ба кори онҳо дахолат намекунанд, зеро вазифаи худро дар ин намебинанд. Ҳолати дигарро низ мисол овардан мумкин аст, ки варзишгар ҷавонмардии худро нишон дода, рақиби маъюбро сари китф ба табибон мерасонад. Паҳлавони асил пеш аз ҳама ҷавонмард аст. Ва ҷавонмардӣ бо маърифат низ шинохта мешавад.
Ҳар нофаҳмӣ тартибу низоми муайяни ҳаллу фасл дорад. Норизоён шикоят менависанд ва расмиёти баррасии қазъияҳоро ба ҷо меоранд.
Варзиши тоҷик равнақ ёфтаистодааст ва омили муҳими рушди варзиши ватанӣ, дастгириҳои бесобиқа ва таваҷҷӯҳи доимии Пешвои муаззами миллат, Президенти Ҷумҳурии Тоҷикистон мӯҳтарам Эмомалӣ Раҳмон ба соҳа арзёбӣ мегардад.
Кумита низ барои ба танзим даровардани тамоми паҳлуҳои соҳа шабонарӯзӣ заҳмат кашида истодааст. Дар доираи дастгириҳои Ҳукумати мамлакат варзишгарони мо имкони иштирок ва муаррифии худро дар арсаи байналмилалӣ пайдо намуданд ва ҳамчун паҳлавонони асил ва ҷавонмардони бонангу номус шинохта мешаванд. Ин боиси шарафу ифтихори миллати тоҷик аст. Мо бо ин фахр дорем.
Албатта танзими ҷиддӣ ва куллан ба роҳ мондани риояи қоидаҳои варзиширо баъзеҳо намехоҳанд, чунки барои осон соҳиб шудан ба мартабаи варзишӣ одат кардаанд. Баъзан сахтгириҳо низ ба гурӯҳи муайян маъқул нест. Вале, имрӯз мо шоҳиди зина ба зина ва батадриҷ ба низом даровардани соҳаи варзиш ва баланд шудани сатҳи баргузории мусобиқаҳои варзишӣ шуда истодаем.
Мо масъулини соҳа, мураббиён ва мухлисон бояд дар доираи сиёсати варзишӣ на танҳо ҷаҳонпаҳлавон, балки ҷавонмарду инсони соҳибмаърифатро тарбия намоем. Дар ҳолати имрӯз ин қарзи муқаддаси соҳаи варзиши мамлакат мебошад.
– Қарори қабулкардаи гурӯҳи корӣ нисбати Комроншоҳи Устопириён чи буд ва ӯ қарорро чи гуна қабул намуд?
– Дар натиҷаи таҳлилҳои ҳамаҷониба гурӯҳи корӣ қарор кард, ки Комроншоҳи Устопириёнро аз санаи 1 апрели соли 2017 то 1 апрели соли 2019 аз иштирок дар мусобиқаҳои маҳаллӣ, минтақавӣ ва сатҳи ҷумҳуриявӣ оид ба гӯштини миллӣ маҳрум намояд.
Илова бар ин, бояд қайд кард, ки Комроншоҳи Устопириён айни замон вазифаи директори Муассисаи давлатии “Мактаби варзишӣ ба номи Ланглиф” –и ноҳияи Ҷаббор Расуловро ба зимма дорад. Зимнан гурӯҳи кории алоҳида фаъолияти ин мактабро низ мавриди санҷиш қарор дода, як қатор камбудӣ ва мушкилоти ҷиддиро ошкор намуданд, ки аз натиҷа ба унвони роҳбарияти вилояти Суғд мактуби дахлдор барои қабули қарори қонунӣ ирсол карда мешавад.
Илова бар ин, бо қарори гурӯҳи корӣ ба Кумитаи ҷавонон, варзиш ва сайёҳӣ, Кумитаи миллии олимпӣ ва федератсияҳои дахлдор тавсия дода шудааст, ки таҷрибаи маблағгузорӣ кардани иштироки варзишгаронро дар мусобиқаҳои байналмилалӣ таҷдиди назар намуда, аз рӯи як намуди варзиш гурӯҳи варзишгарони умедбахшро тарбия ва сарпарастӣ намояд.
Ҳамзамон, ба тамоми мактабҳои варзишӣ ва федератсияҳои варзишӣ супориш дода шудааст, ки баҳри баланд бардоштани одоби варзишгарон ва касбияти доварон миёни дастрпарварони худ чорабиниҳои фаҳмондадиҳӣ гузаронида, аз натиҷа ба Кумита ахбори хаттӣ пешниҳод намоянд.
Аз ҳама асос, дар асоси дастури роҳбарияти Кумита мо масъулини соҳа вазифадор гардидаем, ки дар давоми 1 моҳ Қоидаҳои одоби варзишгарро таҳия карда, барои тасдиқ ба Ҳайати мушовараи Кумита пешниҳод намоем.
Комроншоҳи Устопириён аз кардаи худ дар асл пушаймон аст ва расман худаш низ узр пурсидааст. Ӯ қарори гурӯҳи кориро бо тамкин қабул намуд. Ин варзишгари маъруф ҳоло ҷавон аст ва ҳолатҳои мазкурро ба инобат гирифта, гурӯҳи корӣ қарор кард, ки иштироки Комроншоҳ аз мусобиқаҳои сатҳи байналмилалии намуди гуштини дзюдо қатъ карда нашавад.
Дар ин замина Кумита тасмим гирифтааст, ки минбаъд низ барои пешбурди фаъолияти варзишии Комроншоҳ дар доираи имкониятҳои мавҷуда шароит фароҳам меоварад. Вале, дар баробари ӯ дигар варзишгарони умедбахш, ки алаккай ҳамчун истеъдодҳои нав худро муаррифӣ намудаанд аз намуди дзюдо мавриди баррасӣ қарор мегиранд.
Қобили зикр аст, ки дар доираи сиёсати варзишпарваронаи Пешвои муаззами миллат, тӯли чанд соли охир роҳбарияти вилояти Суғд низ ба варзишгарон таваҷҷуҳи махсус зоҳир намуда, дар баробари дигарон Комроншоҳи Устопириёнро низ дар ҷодаи иштирок дар мусобиқаҳои байналмилалӣ дастгирӣ намудааст. Дар иртибот мо ҷиҳати идомаи чунин иқдомҳои наҷиб ба роҳбарияти вилояти Суғд дархост ба амал меорем.
Мо умед дорем, ки варзишгарони мо аз чунин ҳолатҳои мавҷуда сабақ мегиранд ва дар оянда мухлисонро бо ҳунару маърифат ва сирати инсонӣ шод мегардонад.
Бахтовар КАРИМОВ, “ҶТ”
Баъди қувваозмоии ниҳоӣ дар вазни 80+ кг миёни паҳлавон Саидҷалол Саидов ва Комроншоҳи Устопириён аз ҷониби мағлуб Комроншоҳи Устопириён рафтори номақбул зоҳир гардид, ки тавассути васоити ахбори омма мустаҳқиман пахш шуду сару садоҳои зиёдро ба бор овард. Акси ҳол ин буд, ки Комроншоҳи Устопириён зимни рақобат бо ҳарифаш Саидҷалол Саидов мағлуб шуд ва мағлубияти хешро қабул надошта, ба дашному ҳақорат роҳ дод.
Бинобар сабаби пахши мустаҳқими ин чорабинии сатҳи баланд тавассути шабакаи телевизионии “Варзиш” ин амали Комроншоҳи Устопириён аз назари мухлисону ҳаводорони варзиш ва тамошбинон дур намонд. Дар суҳбат бо “Озодӣ” Комроншоҳ иддао кард, ки баҳогузории доварон ноадолатона анҷом пазируфту муносибати мухлисон ӯро ба хашм овард.
Ҷиҳати таҳлилу санҷиши воқеъбинонаи ҳолати мазкур Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон оҷилан таҳти роҳбарии муовини соҳавии раиси Кумита Дилшод Назаров гурӯҳи махсуси кориро бо ҷалби роҳбарияти федератсияҳои варзишии гуштингирӣ, гуштини дзюдо ва самбо, инчунин мутахассисон-доварони варзиши гуштин таъсис дод.
Доир ба қазияи мазкур бо роҳбари гурӯҳи корӣ Дилшод Назаров ҳамсуҳбат шудем.
-Гурӯҳи корӣ кай ба кори худ шуруъ намуд?
– Дар асоси дастури раиси Кумитаи ҷавонон, варзиш ва сайёҳӣ зери роҳбарии ман доир ба омӯзиш ва таҳлили ҳамаҷонибаи ҷараёни ташкил ва баргузории мусобиқаи ҷумҳуриявӣ оид ба гуштини миллӣ барои дарёфти ҷоми «Пойтахт-2017» ва рафтори берун аз одоби варзишгар Комроншоҳи Устопириён субҳи 27-уми март гурӯҳи кории босалоҳият таъсис дода шуд.
Мо кӯшиш намудем, ки ба кори гурӯҳ роҳбарияти федератсияҳои гӯштин, мутахассисони соҳибтаҷриба ва беғаразро шомил намоем. Хамзамон, бо мақсади шаффоф баргузор шудани таҳлили мазкур зарур шуморида шуд, ки дар тамоми раванди кори он худи варзишгар Комроншоҳи Устопириён ва муррабии ӯ ҷалб карда шаванд. Ва тайи муҳлати сипаригашта аъзоёни комиссия ҳамаи паҳлуҳои ин қазъияро таҳлил карда, хулосаи амиқ бароварданд.
–Ҳамчун мутахассиси соҳа ва варзишгари касбиву шоҳиди воқеа ба кори доварон чӣ гуна баҳо медиҳед?
– Доварӣ бисёр кори нозук ва душвор аст. Дар мусобиқаҳои байналмилалӣ низ дида мешавад, ки доварон иштибоҳ мекунанд, чун онҳо низ инсонанд ва таҳти фишори баланди руҳию равонӣ қарор доранд. Қобили зикр аст, ки то имрӯз аз болои ҳаракатҳои ноодилонаи доварон ба федератсия ва Кумита ягон шикояти расмӣ ворид нашудааст. Вале бо вуҷуди ин, ба хотири пурра ва ҳамаҷониба муайян кардани масъалаи мазкур ва таҳлили кори доварон, сабтҳои навори видеои сабқати мазкур дархост карда шуда, дар доираи гурӯҳи корӣ ҳамаҷониба ва дар ҳузури варзишгар Комроншоҳи Устопириён сония ба сония таҳлил карда шуд.
Натиҷаи таҳлил ва мавқеи тамоми аъзои гурӯҳи корӣ, махсусан варзишгар Комроншоҳи Устопириён бар он назар аст, ки зимни сабқати даври финалии мусобиқоти гӯштини миллӣ ҳайати доварон ба хатогӣ роҳ надодаанд ва Саидҷалол Саидов барҳақ ғолиб дониста шудааст.
-Амали анҷомдоди Комроншоҳи Устопириён – дашном додани мухлисони гуштини миллиро чӣ гуна шарҳ медиҳед?
Варзишгари асилу касбӣ бо қувваи бозӯ ва фарҳанги волои муносибату муошират шинохта мешавад. Дар ҳама ҳолат бояд варзишгар рафтору кирдори хешро идора карда тавонад, чунки ба ӯ ҳазорон мухлисон назар доранд ва умед бар онанд, ки аз кувваозмоию ҷавонмардии паҳлавон руҳашон болида мегардад, на таъбашон хира.
Дар баробари ин, варзишгари номӣ бояд доим эҳсос намояд, ки ӯ таҷассумгари симои миллат аст. Дар арсаи байналмилалӣ ӯро на ҳамчун шахси алоҳида, балки ҳамчун намояндаи давлату миллат эътироф менамоянд. Ин масъулияти баландро ҷаҳонпаҳлавонон ба дӯш гирифта, бо рафтору кирдор ва гуфтори худ бояд намунаи ибрат ва ифтихори миллат бошанд.
Вақте ки варзишгар маъруф мешавад, ҳар як ҳаракату сухан ва рафтори ӯ барои гурӯҳи муайяни ҷавонону наврасон намунаи ибрат пазируфта мешавад. Ин дар баробари обрӯ ва эътибор масъулияти хело гарон аст, ки ҳамеша онро бояд гиромӣ дошт.
Қиммати одоби варзишгар аз қиммати медали тиллои олимпӣ низ баландтар аст.
Худ шоҳид будем, ки зимни қувваозмоии Нурулло Неъматов ва Комроншоҳи Устопириён низ мухлисон сӯи Нурулло садо баланд карданд. Ин хоси мухлис аст, ки ба ваҷҳ омада, ҳиссиёти худро берун меоварад. Лекин Нурулло Неъматов маърифати баланди инсонии худро нишон дода, мағлубияташро қабул карду эҳтироми рақиб ва мухлисону ҳаводорони варзишро ба ҷо овард. Нурулло Неъматов касеро дашном надод ва ин аст ҷавонмардии паҳлавони асил.
Комроншоҳи Устопириён ҷавон аст, ҳар кас хато мекунад ва муҳим он аст, ки ӯ имрӯз хатои худро фаҳмид ва расман аз тамоми мардум узр хост. Албатта мо маҷбурем, ки дар доираи сиёсати давлатии ҷавонон ба хотири ҷилавгирӣ аз ҳодисаҳои ҳамшабеҳ қарори дахлдор қабул намоем, вале тибқи дастури роҳбарияти Кумита мо минбаъд низ баҳри ташаккули малакаҳои варзишии Комроншоҳ ва иштирокаш дар мусобиқаҳои байналмилалӣ дар доираи имкониятҳои мавҷуда мусоидат хоҳем кард.
– Агар ҳамин гуна ҳолат дар мусобиқаҳои байналмилалӣ рух диҳад, бо варзишгар чӣ гуна муносибат мекунанд?
-Пеш аз ҳама варзишгар аз мусобиқа хориҷ мешавад ва мураббии варзишгар танбеҳ мегирад. Метавонанд варзишгарро ба муддати тулонӣ аз иштирок дар мусобиқаҳо дур кунанд.
- Варзишгари асилро чӣ гуна мебинед?
- Варзишгар бояд ҳам ҷисман пурқувват бошаду ҳам руҳан обутобёфта. Варзишгар бояд дарк намояд, ки ӯро ҳамчун намояндаи миллат муарифӣ менамоянд ва ба ӯ тамоми дунё чашм меандозанд. Дар симои ӯ фарҳангу маърифати миллаташро баҳо медиҳанд.
Мутаассифона, баъзан варзишгарони ҷавони мо аз ҷиҳати равонӣ то ҳол пурра омода нашудаанд, чун варзиш бе бохт намешавад ва бохтро низ бояд қабул карда тавонист. Варзишгар бояд вазъи руҳии худро идора карда тавонад, чунки ҳариф аз ин камбудӣ метавонад васеъ истифода барад.
Варзишгаре, ки асабонӣ мешавад ӯ худро идора карда наметавонад, вазифаи худро аз вазифаи мураббию довар фарқ карда наметавонад, хом аст. Дар мусобиқаҳои байналмилалӣ мебинем, ки миёни варзишгарон ва ё варзишгару довар нофаҳмӣ рух медиҳад. Мо қаҳрамонҳои олимпиро медонем, ки ҳангоми сабқат аз қоида берун ҳарифонро мушт мезананд, вале онҳо ҳалли қазъияро бар души мураббиёну доварон мегузоранд. Муқарраротро иҷро мекунанд. Ба ин варзишгари Россия Хаджимурод Гадсалов мисол шуда метавонад, ки панҷ маротиба қаҳрамони ҷаҳон ва ду маротиба қаҳрамони Бозиҳои олимпӣ аз намуди гӯштини тарзи озод аст. Вақте дар муҳориба варзишгари гурҷӣ чашмашро ҷароҳатдор мекунад, ӯ ҳатто ҷониби ҳариф нигоҳ намекунад, корро ба дӯши доварон мегузорад. Ё муҳорибаи варзишгарони маъруфи дигари Россия Адам Сайтиев ва Аниувар Гедуев, ки соли 2012 барои ба даст овардани роҳхати олимпиада сурат гирифта буд, намунаи ин гуна эҳтироми ахлоқи варзишӣ аст. Баъди нофаҳмӣ миёни доварон тамоми мухлисон болои гилем баромада, бо якдигар даст ба гиребон мешаванд. Вале худи варзишгарони номбурда ба кори онҳо дахолат намекунанд, зеро вазифаи худро дар ин намебинанд. Ҳолати дигарро низ мисол овардан мумкин аст, ки варзишгар ҷавонмардии худро нишон дода, рақиби маъюбро сари китф ба табибон мерасонад. Паҳлавони асил пеш аз ҳама ҷавонмард аст. Ва ҷавонмардӣ бо маърифат низ шинохта мешавад.
Ҳар нофаҳмӣ тартибу низоми муайяни ҳаллу фасл дорад. Норизоён шикоят менависанд ва расмиёти баррасии қазъияҳоро ба ҷо меоранд.
Варзиши тоҷик равнақ ёфтаистодааст ва омили муҳими рушди варзиши ватанӣ, дастгириҳои бесобиқа ва таваҷҷӯҳи доимии Пешвои муаззами миллат, Президенти Ҷумҳурии Тоҷикистон мӯҳтарам Эмомалӣ Раҳмон ба соҳа арзёбӣ мегардад.
Кумита низ барои ба танзим даровардани тамоми паҳлуҳои соҳа шабонарӯзӣ заҳмат кашида истодааст. Дар доираи дастгириҳои Ҳукумати мамлакат варзишгарони мо имкони иштирок ва муаррифии худро дар арсаи байналмилалӣ пайдо намуданд ва ҳамчун паҳлавонони асил ва ҷавонмардони бонангу номус шинохта мешаванд. Ин боиси шарафу ифтихори миллати тоҷик аст. Мо бо ин фахр дорем.
Албатта танзими ҷиддӣ ва куллан ба роҳ мондани риояи қоидаҳои варзиширо баъзеҳо намехоҳанд, чунки барои осон соҳиб шудан ба мартабаи варзишӣ одат кардаанд. Баъзан сахтгириҳо низ ба гурӯҳи муайян маъқул нест. Вале, имрӯз мо шоҳиди зина ба зина ва батадриҷ ба низом даровардани соҳаи варзиш ва баланд шудани сатҳи баргузории мусобиқаҳои варзишӣ шуда истодаем.
Мо масъулини соҳа, мураббиён ва мухлисон бояд дар доираи сиёсати варзишӣ на танҳо ҷаҳонпаҳлавон, балки ҷавонмарду инсони соҳибмаърифатро тарбия намоем. Дар ҳолати имрӯз ин қарзи муқаддаси соҳаи варзиши мамлакат мебошад.
– Қарори қабулкардаи гурӯҳи корӣ нисбати Комроншоҳи Устопириён чи буд ва ӯ қарорро чи гуна қабул намуд?
– Дар натиҷаи таҳлилҳои ҳамаҷониба гурӯҳи корӣ қарор кард, ки Комроншоҳи Устопириёнро аз санаи 1 апрели соли 2017 то 1 апрели соли 2019 аз иштирок дар мусобиқаҳои маҳаллӣ, минтақавӣ ва сатҳи ҷумҳуриявӣ оид ба гӯштини миллӣ маҳрум намояд.
Илова бар ин, бояд қайд кард, ки Комроншоҳи Устопириён айни замон вазифаи директори Муассисаи давлатии “Мактаби варзишӣ ба номи Ланглиф” –и ноҳияи Ҷаббор Расуловро ба зимма дорад. Зимнан гурӯҳи кории алоҳида фаъолияти ин мактабро низ мавриди санҷиш қарор дода, як қатор камбудӣ ва мушкилоти ҷиддиро ошкор намуданд, ки аз натиҷа ба унвони роҳбарияти вилояти Суғд мактуби дахлдор барои қабули қарори қонунӣ ирсол карда мешавад.
Илова бар ин, бо қарори гурӯҳи корӣ ба Кумитаи ҷавонон, варзиш ва сайёҳӣ, Кумитаи миллии олимпӣ ва федератсияҳои дахлдор тавсия дода шудааст, ки таҷрибаи маблағгузорӣ кардани иштироки варзишгаронро дар мусобиқаҳои байналмилалӣ таҷдиди назар намуда, аз рӯи як намуди варзиш гурӯҳи варзишгарони умедбахшро тарбия ва сарпарастӣ намояд.
Ҳамзамон, ба тамоми мактабҳои варзишӣ ва федератсияҳои варзишӣ супориш дода шудааст, ки баҳри баланд бардоштани одоби варзишгарон ва касбияти доварон миёни дастрпарварони худ чорабиниҳои фаҳмондадиҳӣ гузаронида, аз натиҷа ба Кумита ахбори хаттӣ пешниҳод намоянд.
Аз ҳама асос, дар асоси дастури роҳбарияти Кумита мо масъулини соҳа вазифадор гардидаем, ки дар давоми 1 моҳ Қоидаҳои одоби варзишгарро таҳия карда, барои тасдиқ ба Ҳайати мушовараи Кумита пешниҳод намоем.
Комроншоҳи Устопириён аз кардаи худ дар асл пушаймон аст ва расман худаш низ узр пурсидааст. Ӯ қарори гурӯҳи кориро бо тамкин қабул намуд. Ин варзишгари маъруф ҳоло ҷавон аст ва ҳолатҳои мазкурро ба инобат гирифта, гурӯҳи корӣ қарор кард, ки иштироки Комроншоҳ аз мусобиқаҳои сатҳи байналмилалии намуди гуштини дзюдо қатъ карда нашавад.
Дар ин замина Кумита тасмим гирифтааст, ки минбаъд низ барои пешбурди фаъолияти варзишии Комроншоҳ дар доираи имкониятҳои мавҷуда шароит фароҳам меоварад. Вале, дар баробари ӯ дигар варзишгарони умедбахш, ки алаккай ҳамчун истеъдодҳои нав худро муаррифӣ намудаанд аз намуди дзюдо мавриди баррасӣ қарор мегиранд.
Қобили зикр аст, ки дар доираи сиёсати варзишпарваронаи Пешвои муаззами миллат, тӯли чанд соли охир роҳбарияти вилояти Суғд низ ба варзишгарон таваҷҷуҳи махсус зоҳир намуда, дар баробари дигарон Комроншоҳи Устопириёнро низ дар ҷодаи иштирок дар мусобиқаҳои байналмилалӣ дастгирӣ намудааст. Дар иртибот мо ҷиҳати идомаи чунин иқдомҳои наҷиб ба роҳбарияти вилояти Суғд дархост ба амал меорем.
Мо умед дорем, ки варзишгарони мо аз чунин ҳолатҳои мавҷуда сабақ мегиранд ва дар оянда мухлисонро бо ҳунару маърифат ва сирати инсонӣ шод мегардонад.
Бахтовар КАРИМОВ, “ҶТ”
Хабарҳои дигар
Рӯзнома
Эзоҳи худро нависед