Дар Ҷоми ҷаҳонии самбо, ки ба хотираи Анатолий Харлампиев баргузор шуд, паҳлавонони тоҷик соҳиби ду медали биринҷӣ шуданд.

Хушқадам Хусравов, қаҳрамони феълии ҷаҳон оид ба самбо дар вазни -62 кило бар варзишгарони Нидерланд (Нияк Ланеӣеретс), Эстония (Вадим Фомин) дастболо шуда, аз варзишгари мизбон Владимир Березовский, ки ғолиби ин вазн гардид, мағлуб шуд. Хушқадам баъдан барои ҷои сеюм намояндаи Муғулистон Унуболд Лҳагваҷамтсро шикаст дод.
Варзишгари дигари мо Бахтовар Абдуллоев дар вазни -100 кило, равияи самбои размӣ низ сазовори медали биринҷӣ шуд. 

Ду паҳлавони дигари тоҷик Файзиддин Абдуллоев дар самбо, вазни -90 кило ва Сорбон Латипов дар самбои размӣ, вазни -62 кило аз медалҳо бенасиб монданд.

Мусобиқа 22-23 март дар шаҳри Маскави Федератсияи Руссия доир гардид, ки дар он 250 варзишгар аз 33 давлат ширкат карданд.