ВАРЗИШ
Душанбе 25 Июн 2018 09:23
4498
Субҳи 14 июн дар кӯчаи Ҳофизи Шерозии ноҳияи Синои шаҳри Душанбе майдончаи варзишии “Юка”, гулгашт ва мавзеи истироҳатию фароғатӣ барои кӯдакону наврасон ва сокинони маҳал сохта ба истифода дода шуд.

Майдончаи мазкур дар арафаи таҷлили 21-умин солгарди Рӯзи Ваҳдати миллӣ ва бо дастуру супоришҳои Асосгузори сулҳу ваҳдати миллӣ - Пешвои миллат, Президенти Кумитаи миллии олимпии Тоҷикистон, муҳтарам Эмомалӣ Раҳмон ва иқдомҳои наҷибонаву созандаи раиси шаҳри Душанбе Рустами Эмомалӣ аз ҷониби Кумитаи кор бо ҷавонон ва варзиши назди Ҳукумати кишвар мавриди баҳрабардорӣ қарор гирифт.

Дар маросими ифтитоҳи майдонча Аҳтам Абдуллозода, раиси Кумитаи кор бо ҷавонон ва варзиш, намояндаи мақомоти иҷроияи ҳокимияти давлатии шаҳри Душанбе, раиси ноҳияи Сино Салимзода Нусратулло ва сокинони маҳалла иштирок намуданд.

Майдончаи варзишии унверсалии бозии “Юка” аввалин маротиба дар кишвар дар масоҳати 144 м2 дар намуди доирашакл бунёд ёфта, барои баргузории ҳама намуди бозиҳои варзишӣ - басткетбол, волейбол ва футбол мусоид аст. Сохтумони майдонча бо маблағи 352 559 сомонӣ дар масоҳати 1850 метри мураббаъ дар муддати се моҳ бунёд гардида, дар атрофи майдончаи варзишӣ гулгашт, ҷои истироҳату фароғат барои сокинон, ҷои бозӣ барои кӯдакон ва навиштаҷотҳо аз ашъори адибони шинохтаи тоҷик иборат аст.

Бозии “Юка” яке аз бозиҳои маъмулӣ дар Иттиҳоди Аврупо, аз қабили давлатҳои Украина, Италия, Испания, Дания ва дигарон ба ҳисоб рафта, дар он хурду калон метавонанд ширкат кунанд.

Маврид ба зикр аст, ки дар партави сиёсати оқилона ва варзишпарваронаи Роҳбари давлат ва иқдомҳои созандаи раиси шаҳри Душанбе дар соли 2018 зиёда аз 95 адад майдончаҳои варзишӣ, гулгашт ва мавзеъҳои истироҳатию фароғатӣ барои сокинони шаҳри Душанбе сохта ба истифода дода мешавад.


















Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Июн 2018 c.