Дастаи “Истиқлол”-и Душанбе тими “Хуҷанд”-ро бо ҳисоби 3:2 мағлуб карда, маротибаи ҳафтум барандаи Суперҷоми Тоҷикистон шуд.

Вохӯрии мазкур 2 март дар Варзишгоҳи марказии шаҳри Ҳисор доир гашт. Ҳисобро Фирдавс Чақалов, ҳимоятгари тими “Хуҷанд” дар дақиқаи 17 кушод. Дар дақиқаи 31 легионери ганагии дастаи Хуҷанд Абглей Ҷонс ба дар возаи “Истиқлол” голи дуюмро ворид намуд.

Дар дақиқаҳои охири қисми аввал афта гол ба номи Фирдавс Чақалов сабт гардид. Дар қисми дуюм легионери белорусии “Истиқлол” ҳисобро баробар кард ва вақти асосӣ бо ҳисоби мусовӣ анҷом ёфт.

Дастаҳо ду қисми  дигар 15-дақиқаӣ бозӣ намуданд. Дар қисми дуюми вақти иловагӣ Нозим Бобоҷонов дарвозаи “Хуҷанд”-ро рахна карда, ғалабаи “Истиқлол”-ро таъмин намуд.

Ҳамин тариқ, “Истиқлол” маротибаи ҳафтум Суперҷоми Тоҷикистонро ба даст овард. Дастаи “Истиқлол” қаблан солҳои 2010, 2011, 2012, 2014, 2015 ва 2016 соҳиби Суперҷом гардида буд.