Ба ифтихори “Соли ҷавонон” дар маҳаллаи Ғуломиддини Ғуломҳайдари шаҳри Хоруғ мусобиқаи вилоятӣ аз рӯйи волейбол доир гардид, ки дар он 14 даста миёни ҳам рақобат намуданд.

Дар даври ниҳоӣ дастаи “Тавдем” – и ноҳияи Роштқалъа бар рақибаш дастаи “Хоруғ - 1” – и маркази ВМКБ бо ҳисоби 3 : 1 ( 25 : 17, 20 : 25, 25 : 22, 25 : 20 ) ғолиб омада, ҷои аввалро ишғол кард.

Мусобиқаи мазкур ба хотири дӯстиву рафоқат байни ҷавонону наврасон, рӯ овардани онҳо ба машғулиятҳои манфиатбахш, тақвияти тарзи ҳаёти солим роҳандозӣ шуда, дар он зиёда аз 600 нафар мухлисони волейбол ва ҷавонон ширкат варзиданд.

Ғолибон аз ҷониби иттиҳодияи “Ҷавонони Бархоруғ” бо мукофоти маблағӣ қадрдонӣ шуданд.

Машҳур ИМОМНАЗАРОВ, “ҶТ”