Бахшида ба “Соли ҷавонон” ва Рӯзи Президент дар ноҳияи Мурғоб мусобиқаи варзишӣ аз рӯи намудҳои тенниси рӯи миз ва шоҳмот баргузор гардид.

Ба гуфтаи Жанпулот Қамчибеков, мудири Бахши кор бо ҷавонон ва варзиши ноҳия, мусобиқа байни наврасону ҷавондухтарон бо ташаббуси Бахш доир шуда, дар он ҳудуди 60 нафар варзишгар ширкат намуданд.

Ҳамчунин, сабқат ба хотири ҷалби ҷавонон ба машғулиятҳои варзишӣ, рушди бозиҳои тенниси рӯи миз ва шоҳмот, таҳкими бозиҳои ақлонӣ байни наврасон ташкил гардидааст.

Дар охир ба ғолибон аз тарафи Бахш туҳфаҳои хотиравӣ тақдим карда шуд.