Бо иқдоми Раёсати кор бо ҷавонон ва варзиши ВМКБ дар маҳаллаи Хоруғи Боло байни 10 дастаи наварасони шаҳри Хоруғ мусобиқаи футбол доир гашт.

Қабл аз оғози даври ниҳоӣ сардори раёсат Сураҷ Чоршанбиев бо варзишгарон мулоқот намуда қайд кард, ки силсиламусобиқаҳои варзишӣ ба ифтихори 27-умин солгарди Истиқлолияти давлатии Ҷумҳурии Тоҷикистон ва солимгардонии ҷавонон, наврасону кӯдакон дар майдони тозаифтитоҳе, ки аз ҷониби роҳбарияти Федератсияи футболи Тоҷикистон кушода гардид, мунтазам роҳандозӣ мешаванд.

Аз рӯи натиҷаҳои даври охири бозӣ ҷои аввал насиби тими Мактаби варзишии Хоруғ, зинаҳои дуюму сеюмро бошад дастаҳои маҳаллаҳои Сайфулло Абдулло ва Тем ишғол намуданд.

Ғолибон бо медалу ифтихорнома ва мукофотпулии раёсат сарафароз гаштанд.