Давлат Болтаев муштзани тоҷик дар вазни 92 кг дар финал бо шикаст додани Ҳан Хуежен муштзан аз Чин медали тиллои Бозиҳои осиёӣ аз риштаи боксро соҳиб гардид.

Ӯ барои баромадан ба финали мусобиқа дар даври нимниҳоӣ бар Ҷаеминг Ҷионг варзишгар аз Кореяи Ҷанубӣ бо қарори якдилонаи доварон бо ҳисоби 5:0 дастболо гардида буд.

Қобили зикр аст, ки Давлат Болтаев баъди 17 сол барои Тоҷикистон аз Бозиҳои осиёӣ медали тилло овард. Ин медали дуюми тиллои Тоҷикистон дар Бозиҳои осиёии Ҳангжоу ва нахустин аз риштаи бокс мебошад.