Дастаи мунтахаби миллии футзали Тоҷикистон дар доираи бозиҳои гурӯҳии мусобиқаи интихобии қаҳрамонии Осиё-2018 ба шаҳри Табрези Эрон сафар кард.

Бозиҳои интихобии қаҳрамонии Осиё-2018 оид ба футзал дар гурӯҳи “В” аз 15-ум то 17-уми октябри соли равон дар шаҳри Табрези Эрон баргузор мегардад. Бозии дастаҳои мунтахаби Афғонистон ва Эрон рӯзи 15-уми октябр оғозбахши бозиҳои гурӯҳи “В” – и мусобиқаи мазкур мебошад.

Дастпарварони Ҳусейн Шодиев, сармураббии мунтахаби футзали кишвар дар ин гурӯҳ бо тимҳои миллии Афғонистону Эрон вориди сабқат мешаванд.Футболбозони тоҷик сабқати нахустинашонро 16-уми октябр муқобили тими Афғонистон анҷом медиҳад.

Бозиҳои интихобӣ дар гурӯҳи “В” рӯзи 17-уми октябр бо бозӣ байни дастаҳои мунтахаби Тоҷикистон ва Эрон ҷамъбаст мегардад. Ду дастаи беҳтарини ин гурӯҳ ба марҳилаи ниҳоии қаҳрамонии Осиё, ки аз 6-ум то 18-уми феврали соли 2018 дар Тайбеи Чин баргузор мешавад, роҳ меёбанд.

Дастаи мунтахаби миллии футзали Тоҷикистон бо чунин ҳайат сафарбар шуданд:

Дарвозабонҳо: Фирӯз Бекмуродов (“ДИСИ Инвест”), Муродулло Алиқулов (“Сино”);

Бозигарон: Мансур Эргашев, Фирӯз Сангов, Сиёвуш Қаюмов (ҳарсе аз “Соро компания”), Собирҷон Гуляков, Шавкат Ҳалимов, Умед Қузиев, Дилшод Саломов, Раҳмоналӣ Шарифов (ҳама аз “ДИСИ Инвест”), Умедҷон Мирзораҳимов, Некрӯз Алимаҳмадов, Файзалӣ Сардоров (ҳарсе аз “Сипар”), Рустам Ҳамидов (“Сан Сити”, Қирғизистон).

Сармураббӣ – Ҳусейн Шодиев.

Сабқати интихобии мусобиқаи қаҳрамонии Осиё-2018 оид ба футзал.

Минтақаи Ҷанубӣ ва Марказӣ. Гурӯҳи “В”

Даври 1-ум 15 октябр (якшанбе)

20:30 – Афғонистон – Эрон

Даври 2-юм 16 октябр (душанбе)

20:30 – Тоҷикистон – Афғонистон

Даври 3-юм 17 октябр (сешанбе)

20:30 – Эрон – Тоҷикистон

Оғози бозиҳо – ба вақти Душанбе.