Чемпионати Тоҷикистон оид ба футбол байни духтарони то 17-сола бо пирӯзии дастаи футболи “Хатлон”-и шаҳри Бохтар ба анҷом расид.

Дар натиҷа медалҳои тиллоро дастаи “Хатлон”-и шаҳри Бохтар ба даст оварда, медали нуқраро дастаи “SSHFKP” аз Суғд ва медалҳои биринҷиро дастаи “Ҳосилот”-и ноҳияи Фархор соҳиб гардиданд.

Мусобиқаи мазкур дар ду марҳила бо иштироки шаш даста дар сатҳи баланд сурат гирифта, ғолиби чемпионат дар даври ниҳоӣ муайян карда шуд. Дастаи футболи “Хатлон”-и шаҳри Бохтар бар дастаи “Навбаҳор”-и ноҳияи Мастчоҳ бо ҳисоби 1:0, дастаи “SSHFKP” бар дастаи “Ҳосилот”-и ноҳияи Фархор бо натиҷаи 1:0 ғалаба кард ва дастаи “Равшан”-и шаҳри Кӯлоб аз дастаи “Зарнисор”-и ноҳияи Вахш бо ҳисоби 2:0 мағлуб гардид.

Дар маросими супоридани мукофот ғолибон ва ҷоизадорон бо ҷом ва медалҳо сарфароз гардонида шуданд. Дилноза Нурова (Ҳосилот) беҳтарин дарвозабони чемпионат эътироф карда шуд. Нишонзани беҳтарини чемпионат Рухшона Файзуллоева (ССЧФКП) дониста шуд, ки дар як мавсим 20 гол задааст ва ҷоизаи беҳтарин бозигари мусобиқа ба Муҳаймаи Гулаҳмад (Хатлон) супорида шуд.