ВАРЗИШ
Душанбе 17 Январ 2022 05:33
1353
Анастасия Тюрина, шиновар бо тарзи озод ба масофаи 50 метр миёни занон ва Муҳаммадмурод Абдураҳмонов, ҷудокор дар вазни +100 кило аз рақобат барои медалҳои  Бозиҳои XXXI тобистонаи олимпӣ дар Рио-де-Жанейрои Бразилия маҳрум гаштанд.

Анастасия Тюрина дар сабқати интихобии шиноварӣ ба масофаи 50 метр бо тарзи озод миёни занон, дар гурӯҳи худ дар байни ҳашт нафар бо натиҷаи 31,15 сония мақоми аввалро касб кард. Аммо варзишгари тоҷикистонӣ аз ҳақӣ ширкат дар даври дуюм маҳрум гардид. Натиҷаи гузариш ба даври дуюм аз 24 то 26-ро ташкил мекард. Анастасия миёни 88 шиновар мақоми 73-юмро касб намуд.

Муҳаммадмурод Абдураҳмонов, ҷудокори тоҷик дар қувваозмоии нахустинаш аз Алекс Гарсиа Мендоза, варзишгари Куба шикаст хӯрд.

Муҳаммадмурод дар вазни +100 кило муддати се дақиқа нисбати ҳариф бартарӣ дошт. Вале М. Абдураҳмонов натавонист давоми ду дақиқаи дигар ин бартариро бо худ нигоҳ дорад. Дар дақиқаи чоруми вохӯрӣ Алекс Гарсиа Мендоза бо баҳогузории “Ипон”  ғолиб гардид.

Ёдовар мешавем, ки Муҳаммадмурод Абдураҳмонов аз ин пеш дар мусобиқаи Гран-при дар Тсиндаои Чин Алекс Гарсиа Мендозаро шикаст дода буд.

Аз ҳафт варзишгаре, ки дар Бозиҳои XXXI тобистонаи олимпӣ дар Рио-де-Жанейрои Бразилия Тоҷикистонро муаррифӣ мекарданд панҷ нафар – Анвар Юнусов (бокс, вазни то 60 кг), Комроншоҳи Устопириён (ҷудо, вазни то 90 кг), Олим Қурбонов ва Анастасия Тюрина (ҳарду оид ба шиноварӣ ба масофаи 50 метр бо тарзи озод) ва Муҳаммадмурод Абдураҳмонов (ҷудо, вазни беш аз 100 кг) аз идомаи рақобатҳо маҳрум гаштанд.

Ду нафари дигар аз Тоҷикистон - Кристина Пронженко (давидан ба масофаи 200 метр) ва Дилшод Назаров (варзиши сабук, гурзандозӣ) - дар мусобиқоти Олимпиадаи Рио-2016 рӯзҳои 15 то 19 ширкат хоҳанд кард.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Январ 2022 c.