Дар чемпионати ҷаҳон аз намуди ҷудо миёни ҷавонон Сомон Маҳмадбеков, варзишгари тоҷик зинаи сеюумро касб намуд.

Сомон миёни варзишгарони синашон то 21 сола дар шаҳри Загреби Хорватия 19 дар вазни 66 кило п рақибонаш Саини Сингҳ (Ҳиндустон) ва Исмоил Иброҳимовро (Озарбойҷон) шикаст дода, аз Даниел Каргнин (Бразилия) мағлуб гашт. Ӯ барои мақоми сеюум боз ду рақиби дигар - Рока Касес Салвадори (Испания) ва Яъқуб Ҷаводовро (Озарбойҷон) шикаст дода медали биринҷиро ба гардан овехт.

Тибқи иттиллои сомонаи расмии Федератсиони байналмилалии ҷудо (IJF) дар чемпионати ҷаҳон миёни ҷавонони солҳои таваллудашон 1997-99, 590 варзишгар (писарону духтарон) аз 83 кишвар миёни ҳам рақобат доранд. Мусобиқаи мазкур то 22 октябр идома ёфта, Тоҷикистонро 10 варзишгар: Суҳроб Боқиев (вазни 60 кило), Сомон Маҳмадбеков, Муҳаммадраҳим Сарахонов (66 кило), Хайёмиддин Ҷабборов, Эраҷ Абдуллоев ( 73 кило), Раҳматуллобек Фарҳодов, Ҷаҳонгир Маҷидов (81 кило), Муртазо Аминов (90 кило), Темур Раҳимов ва Шакармамад Мирмамадов (100 кило) муаррифӣ доранд.

Ёдовар мешавем, ки Сомон Маҳмадбеков дар Ҷоми Африқо миёни наврасон, моҳи апрели соли равон дар Тунис баргузор шуд, медали тилло ба даст овард. Инчунин ӯ дар Ҷоми Аврупо миёни ҷавонон, ки моҳи август дар шаҳри Аради Руминия барпо гардид, медали тиллоро ба даст оварда буд.