ВАРЗИШ
Якшанбе 28 Апрел 2024 03:49
Виталий Кличко муштзани беҳамтову афсонавиест. Ӯ аз 45 набардаш ҳамагӣ 2 бохт дорад. Саргузашти Виталий Кличко аҷоиб аст. Ӯ гоҳе ба варзиши бокс машғул шуда, гоҳи дигар мехост, футболбоз гардад. Як муддат халабон ё ҳавонавард ҳам шудан мехост. Аммо донишгоҳи омӯзгориро ба итмом расонида, бо рутбаи капитанӣ қаҳрамони ҷаҳони бокс гардид.
ОИЛАИ ҲАРБӢ
Виталий Кличко 19 июли соли 1971 дар деҳаи Беловодское Қирғизистон дар оилаи хизматчии ҳарбӣ таваллуд шудааст.
Падари Виталий Кличко генерал-майо-ри мустаъфии неруҳои ҳавоии Украина буду модараш дар мактаби миёна кор мекард. Соли 1976 дар оилаи онҳо боз як писари дигар таваллуд шуд ва ба ӯ Владимир ном ниҳоданд. Аз сабаби оне ки падари хонадон одами баландрутбаи низомӣ буд, тибқи фармон бояд дар давлатҳои гуногун зиндагӣ мекард. Ба ҳамин хотир Виталий дар Қирғизистон ва Владимир дар Қазоқистон таваллуд шудаанд.
Ин оила аз соли 1980 то соли 1985 дар шаҳри Мимони Чехословакия низ зиндагӣ кардаанд. Соли 1985 Виталий бо ҳамроҳи оилаи хеш ба ватани бобогии худ Украина баргаштанд.
ОРЗУИ КӮДАКӢ
Дар хурдӣ Виталий мехост футболбоз гардад, аммо дӯстонаш нимшухиву нимҷиддӣ ба ӯ маслиҳат медоданд, ки футбол барои қаду қомати ӯ созгор нест. Ба ҳамин хотир Кличко дигар мехост халабони тайёраҳои ҳарбӣ гардад. Ӯ чанд муддат ба сифати ёрдамчии халабонҳои касбӣ кор кард ва нахуст ҳаққи хизматашро, ки 80 рубли советиро ташкил медод, барои худ скейт, радио ва кулчақанди бузурги “Киевски” харидорӣ намуд.
Қаду қомати баланд, бозувони қавӣ ва дилбастагӣ ба варзиш Виталийро водор сохт, ки ӯ бояд ба варзиш машғул гардад, ҳамин тавр дар оғози корномаи варзишӣ ба кикбоксинг машғул гардид. Ӯ дар ин намуди варзиш зуд муваффақ гардида, пайи ҳам шаш маротиба дар вазни худ чемпиони ҷаҳон гардид. Дар рақобатҳои омехтаи кикбоксинг Виталий 35 рақобат гузаронида, 34 ғолибият ва ҳамагӣ як бохт ба даст овардааст.
Варзишгар соли 1989 ба сафи қувваҳои мусаллаҳ пайваста, то соли 1991 адои хизмат намудааст. Ҳангоми дар артиш қарор доштанаш ӯро ба клуби варзишии округи ҳарбии Киев даъват карданд, то ба наваскарон таълими кикбоксин диҳад.
Пас аз артиш, Виталий ба Донишкадаи омӯзгории Переяслав-Хмелниский дохил шуда, онро соли 1993 бо ихтисоси муаллими тарбияи ҷисмонӣ хатм кард. Баъд аз хатми донишгоҳ варзишгар дубора фаъолияташро дар артиши Украина давом дода, соли 1996 ба гирифтани рутбаи капитан мушарраф гардид.
Дар баробари машғул будан ба варзиш соли 1994 бародарон Виталий ва Владимир қарор доданд, ки ба тиҷорат низ машғул гарданд. Ба ҳамин хотир ба ширкати истеҳсоли либосҳои варзишӣ бо номи “Кличко” асос гузоштанд.
МАЙДОНИ КАСБӢ
Фаъолият дар бокси касбиро Виталий аз соли 1995 оғоз намуда, дар андак фурсат ба қатори пешгомҳои бокс ворид гардид ва соли 1996 дар олимпиадаи Аталанта соҳиби медали тилло шуд.
Соли 1999 бародарон Виталий ва Владимир ба ташкилоти бонуфузи Universum Box-Promotion шартнома бастанд ва онҳоро мураббии шинохтаи олмонӣ Ритсас Дунага таълими бокс медод. Аввали соли пайвастани Виталий ба ин ташкилот дар 10 дидор 10 пирӯзӣ ба даст овард, ки рақибонаш муштзанҳои машҳури ҷаҳон, аз қабили Гилберт Вилиемс, Ҷулиус Френсус, Дики Раина маҳсуб меёфтанд. Муҳимтарин рақобати Кличко дар он мавсим рақобат бо муштзани шикастнопазири англис Ҳерби Ҳайт ба шумор мерафт, аммо Виталий ғайричашмдошти мухлисон Ҳайтро дар раунди дуввум бо нокаути техникӣ мағлуб намуда, соҳиби камарбанди қаҳрамонӣ гардид, ки то он замон танҳо Майк Тайсон чунин натиҷа нишон дода буд. 9-уми октябри ҳамон сол Виталий камарбандро дубора муқобили Эд Махауни амрикоӣ ҳимоя намуд. Пас аз 27 рақобати бебохт аввали соли 2000 барои варзишгар бебарор оғоз ёфт, зеро ӯ барои ба даст овардани камарбанди МБО муқобили Крис Бёрди амрикоӣ бо иллати ҷароҳат бардоштани китф аз идомаи рақобат даст кашида, ғолибиятро ба рақибаш бахшид.
25-уми ноябри соли 2000 Кличко пас аз табобати тулонӣ акнун муқобили рақиби пурқувват Тимо Хоффман, ки то он замон 28 рақобати бебохт дошт, рӯ ба рӯ гардид. Дар ин дидор фоизи ками мухлисони бокс барои Виталий пулхобонӣ мекарданд, зеро касе умед надошт, ки Хофман мағлуб мегардад. Рақобат 12 давр давом кард. Дар охир тибқи хулосаи якҷояи доварон Кличко ғолиб эълон карда шуд. Дар он дидор муштзани украинӣ исбот намуд, ки агар ҳолати ҷисмониаш хуб бошад, касе ӯро мағлуб карда наметавонад.
Январи соли 2001 Виталий барои ҳимояи дигарбораи камарбанди чемпионӣ муқобили Орлин Нориси амрикоӣ вориди ринг гардида, дар дақиқаи аввал рақибро ба накаут фиристод.
Пас аз рақобат бо Росс Пюрити, ки бо ғолибияти ӯ анҷом ёфта буд, варзишгар дубора аз китфи росташ ҷароҳат бардошта, анқариб як сол ба майдон набаромад.
Соли 2002 пас аз анҷоми табобат бародарон Виталий Кличко ва Владимир Кличко ба ташкилоти дигари сарпарастони бокс К2 Promotions шартнома бастанд.
Феврали соли 2002 Виталий нахуст баромадашро аз номи ин ташкилот муқобили Бон Бинаи амрикоӣ бо ғолибият оғоз намуд ва дар таърихи бокс аввалин нафаре гардид, ки Бинаро дар кӯтоҳтарин фурсат ба накаут равон кард.
23 ноябри соли 2002 бошад, Кличко муқобили Ларри Доналд ба майдон баромад, ки то он дидор Лари аз 40 рақобати гузаронидааш танҳо 1 бохт дошт ва дар рақобат зидди Виталий бохти дуввуми хешро дар корномааш сабт кард. Он рӯз барои Кличко рӯзи бузургу хотирмон буд, зеро дар баробари ҳимояи камарбанд пас аз ду соати рақобат ҳамсараш духтар таваллуд кард ва ба хотири ғолибияташ ба навзод Элизавета Виктория ном ниҳоданд.
21-уми июли соли 2003 Виталий барои бори чорум ҳимоя намудани камарбанди қаҳрамонӣ муқобили муштзани ботаҷрибаи англис Леннокс Люис вориди майдони рақобат шуд. Дар ин рақобати тезу тунд, ки дар таърихи бокс бо номи набарди гладиаторҳо машҳур аст, Виталий бо накаути техникӣ мағлуб гардид. Дар баробари мағлуб гардидан ҳам ӯ соҳиби 1 миллиону 400 ҳазор доллар ҳаққи рақобат гирифт.
БАРГАШТИ ДИГАРБОРА
Баъд аз танафуси тақрибан 2-сола Виталий дигарбора қарор дод, ки ба майдон баргардад ва ин дафъа хост қувваашро муқобили муштзани ҳирфавӣ Қосим Раҳмон бисанҷад, аммо бо сабаби ҷароҳат бардоштани Кличко рақобат лағв гардид.
Соли 2006 муштзан эълон кард, ки аз бокс канор меравад. Пас аз эълони хатми корномаи варзишӣ Кличко ба фаъолиятҳои сиёсӣ машғул гардид ва худи ҳамон сол мушовири президенти Украина таъин гардид.
Соли 2007 бародарон ба ташкилоти муштзании хусусии дигар дар аврупо бо номи “Кличко менаҷмент груп” асос гузоштанд, ки дар ҳоли ҳозир яке аз сарпарастони асосии рақобатҳои муштзанӣ ба ҳисоб меравад ва бародарон аз ҳисоби ин ташкилот ҳамасола 2 млн. доллар маблағ ба даст меоранд.
Соли 2008 Виталий дубора ба майдони бокс баргашт ва ҳаққи хизмати варзишгар дар ҳар набард аз 4 то 5 млн. доллар муайян гардид, ки чунин маблағ дар он замон рекордӣ маҳсуб меёфт. Ӯ 11 октябр муқобили Самуел Питери нигериягӣ ба майдон баромада, ҳамагӣ дар дақиқаи дуввум рақибро бо нокаути техникӣ мағлуб намуд.
Ҳамин тавр, Виталий аз соли 2008, ки дувумбора ба майдони бокс баргашт, то хатми корномаи варзишии хеш, яъне то соли 2012 боре ҳам шикаст нахӯрда, сарсахттарин рақибонро аз сари роҳ бардошту дар олами бокс рекорди ҷадид гузошт. Бояд гуфт, ки Кличко дар тамоми фаъолияти хеш аз рақобатҳои гузаронидааш 165. млн доллар маблағ ба даст овардааст.
ҲАЁТИ ШАХСӢ
Соли 1996 дар озмуни “Хонуми сол” Виталий бо зебосанам, модел Наталия Егорова шинос гардид ва нахустшиносоии онҳо ба муҳаббат табдил ёфта, соли 1998 онҳо бо ҳам издивоҷ намуданд. Наталия дар баробари модели шинохта буданаш, инчунин сарояндаи хуб низ ба ҳисоб меравад ва дар тамоми мусобиқаҳои шавҳараш маҳз ӯ суруди миллии Украинаро месароид. Дар натиҷаи зиндагии хушбахтона ин оила соҳиби се фарзанд гардид.
Соли 2005 тавлиди шоҳписар дар оилаи варзишгар нишоти ӯро даҳчанд гардонид. Ба хотири эҳтироми беандозаи Виталий нисбати муштзани беҳамтои олмонӣ Макс Шмеленг ба писараш номи Максимро гузошт.
Соли 2012 ҳунарманд ва коргардони шинохтаи Ҳоливуд Силвестр Сталлоне дар бораи ҳаёт ва фаъолияти бародарон Виталий ва Владимир филм зери унвони “Бародарон Кличкоҳо”-ро рӯи пардаи синамо овард, ки ин филмнома дигарбора бузургии бародарони бомаҳоратро инъикос менамуд.
Пас аз пурра хотима бахшидан ба корномаи варзишии хеш Виталий дигарбора ба сиёсат пайваста, шаҳрдори шаҳри Киев интихоб гардид.
Яҳё МАҲМАДНАБИЕВ, “ҶТ”
ОИЛАИ ҲАРБӢ
Виталий Кличко 19 июли соли 1971 дар деҳаи Беловодское Қирғизистон дар оилаи хизматчии ҳарбӣ таваллуд шудааст.
Падари Виталий Кличко генерал-майо-ри мустаъфии неруҳои ҳавоии Украина буду модараш дар мактаби миёна кор мекард. Соли 1976 дар оилаи онҳо боз як писари дигар таваллуд шуд ва ба ӯ Владимир ном ниҳоданд. Аз сабаби оне ки падари хонадон одами баландрутбаи низомӣ буд, тибқи фармон бояд дар давлатҳои гуногун зиндагӣ мекард. Ба ҳамин хотир Виталий дар Қирғизистон ва Владимир дар Қазоқистон таваллуд шудаанд.
Ин оила аз соли 1980 то соли 1985 дар шаҳри Мимони Чехословакия низ зиндагӣ кардаанд. Соли 1985 Виталий бо ҳамроҳи оилаи хеш ба ватани бобогии худ Украина баргаштанд.
ОРЗУИ КӮДАКӢ
Дар хурдӣ Виталий мехост футболбоз гардад, аммо дӯстонаш нимшухиву нимҷиддӣ ба ӯ маслиҳат медоданд, ки футбол барои қаду қомати ӯ созгор нест. Ба ҳамин хотир Кличко дигар мехост халабони тайёраҳои ҳарбӣ гардад. Ӯ чанд муддат ба сифати ёрдамчии халабонҳои касбӣ кор кард ва нахуст ҳаққи хизматашро, ки 80 рубли советиро ташкил медод, барои худ скейт, радио ва кулчақанди бузурги “Киевски” харидорӣ намуд.
Қаду қомати баланд, бозувони қавӣ ва дилбастагӣ ба варзиш Виталийро водор сохт, ки ӯ бояд ба варзиш машғул гардад, ҳамин тавр дар оғози корномаи варзишӣ ба кикбоксинг машғул гардид. Ӯ дар ин намуди варзиш зуд муваффақ гардида, пайи ҳам шаш маротиба дар вазни худ чемпиони ҷаҳон гардид. Дар рақобатҳои омехтаи кикбоксинг Виталий 35 рақобат гузаронида, 34 ғолибият ва ҳамагӣ як бохт ба даст овардааст.
Варзишгар соли 1989 ба сафи қувваҳои мусаллаҳ пайваста, то соли 1991 адои хизмат намудааст. Ҳангоми дар артиш қарор доштанаш ӯро ба клуби варзишии округи ҳарбии Киев даъват карданд, то ба наваскарон таълими кикбоксин диҳад.
Пас аз артиш, Виталий ба Донишкадаи омӯзгории Переяслав-Хмелниский дохил шуда, онро соли 1993 бо ихтисоси муаллими тарбияи ҷисмонӣ хатм кард. Баъд аз хатми донишгоҳ варзишгар дубора фаъолияташро дар артиши Украина давом дода, соли 1996 ба гирифтани рутбаи капитан мушарраф гардид.
Дар баробари машғул будан ба варзиш соли 1994 бародарон Виталий ва Владимир қарор доданд, ки ба тиҷорат низ машғул гарданд. Ба ҳамин хотир ба ширкати истеҳсоли либосҳои варзишӣ бо номи “Кличко” асос гузоштанд.
МАЙДОНИ КАСБӢ
Фаъолият дар бокси касбиро Виталий аз соли 1995 оғоз намуда, дар андак фурсат ба қатори пешгомҳои бокс ворид гардид ва соли 1996 дар олимпиадаи Аталанта соҳиби медали тилло шуд.
Соли 1999 бародарон Виталий ва Владимир ба ташкилоти бонуфузи Universum Box-Promotion шартнома бастанд ва онҳоро мураббии шинохтаи олмонӣ Ритсас Дунага таълими бокс медод. Аввали соли пайвастани Виталий ба ин ташкилот дар 10 дидор 10 пирӯзӣ ба даст овард, ки рақибонаш муштзанҳои машҳури ҷаҳон, аз қабили Гилберт Вилиемс, Ҷулиус Френсус, Дики Раина маҳсуб меёфтанд. Муҳимтарин рақобати Кличко дар он мавсим рақобат бо муштзани шикастнопазири англис Ҳерби Ҳайт ба шумор мерафт, аммо Виталий ғайричашмдошти мухлисон Ҳайтро дар раунди дуввум бо нокаути техникӣ мағлуб намуда, соҳиби камарбанди қаҳрамонӣ гардид, ки то он замон танҳо Майк Тайсон чунин натиҷа нишон дода буд. 9-уми октябри ҳамон сол Виталий камарбандро дубора муқобили Эд Махауни амрикоӣ ҳимоя намуд. Пас аз 27 рақобати бебохт аввали соли 2000 барои варзишгар бебарор оғоз ёфт, зеро ӯ барои ба даст овардани камарбанди МБО муқобили Крис Бёрди амрикоӣ бо иллати ҷароҳат бардоштани китф аз идомаи рақобат даст кашида, ғолибиятро ба рақибаш бахшид.
25-уми ноябри соли 2000 Кличко пас аз табобати тулонӣ акнун муқобили рақиби пурқувват Тимо Хоффман, ки то он замон 28 рақобати бебохт дошт, рӯ ба рӯ гардид. Дар ин дидор фоизи ками мухлисони бокс барои Виталий пулхобонӣ мекарданд, зеро касе умед надошт, ки Хофман мағлуб мегардад. Рақобат 12 давр давом кард. Дар охир тибқи хулосаи якҷояи доварон Кличко ғолиб эълон карда шуд. Дар он дидор муштзани украинӣ исбот намуд, ки агар ҳолати ҷисмониаш хуб бошад, касе ӯро мағлуб карда наметавонад.
Январи соли 2001 Виталий барои ҳимояи дигарбораи камарбанди чемпионӣ муқобили Орлин Нориси амрикоӣ вориди ринг гардида, дар дақиқаи аввал рақибро ба накаут фиристод.
Пас аз рақобат бо Росс Пюрити, ки бо ғолибияти ӯ анҷом ёфта буд, варзишгар дубора аз китфи росташ ҷароҳат бардошта, анқариб як сол ба майдон набаромад.
Соли 2002 пас аз анҷоми табобат бародарон Виталий Кличко ва Владимир Кличко ба ташкилоти дигари сарпарастони бокс К2 Promotions шартнома бастанд.
Феврали соли 2002 Виталий нахуст баромадашро аз номи ин ташкилот муқобили Бон Бинаи амрикоӣ бо ғолибият оғоз намуд ва дар таърихи бокс аввалин нафаре гардид, ки Бинаро дар кӯтоҳтарин фурсат ба накаут равон кард.
23 ноябри соли 2002 бошад, Кличко муқобили Ларри Доналд ба майдон баромад, ки то он дидор Лари аз 40 рақобати гузаронидааш танҳо 1 бохт дошт ва дар рақобат зидди Виталий бохти дуввуми хешро дар корномааш сабт кард. Он рӯз барои Кличко рӯзи бузургу хотирмон буд, зеро дар баробари ҳимояи камарбанд пас аз ду соати рақобат ҳамсараш духтар таваллуд кард ва ба хотири ғолибияташ ба навзод Элизавета Виктория ном ниҳоданд.
21-уми июли соли 2003 Виталий барои бори чорум ҳимоя намудани камарбанди қаҳрамонӣ муқобили муштзани ботаҷрибаи англис Леннокс Люис вориди майдони рақобат шуд. Дар ин рақобати тезу тунд, ки дар таърихи бокс бо номи набарди гладиаторҳо машҳур аст, Виталий бо накаути техникӣ мағлуб гардид. Дар баробари мағлуб гардидан ҳам ӯ соҳиби 1 миллиону 400 ҳазор доллар ҳаққи рақобат гирифт.
БАРГАШТИ ДИГАРБОРА
Баъд аз танафуси тақрибан 2-сола Виталий дигарбора қарор дод, ки ба майдон баргардад ва ин дафъа хост қувваашро муқобили муштзани ҳирфавӣ Қосим Раҳмон бисанҷад, аммо бо сабаби ҷароҳат бардоштани Кличко рақобат лағв гардид.
Соли 2006 муштзан эълон кард, ки аз бокс канор меравад. Пас аз эълони хатми корномаи варзишӣ Кличко ба фаъолиятҳои сиёсӣ машғул гардид ва худи ҳамон сол мушовири президенти Украина таъин гардид.
Соли 2007 бародарон ба ташкилоти муштзании хусусии дигар дар аврупо бо номи “Кличко менаҷмент груп” асос гузоштанд, ки дар ҳоли ҳозир яке аз сарпарастони асосии рақобатҳои муштзанӣ ба ҳисоб меравад ва бародарон аз ҳисоби ин ташкилот ҳамасола 2 млн. доллар маблағ ба даст меоранд.
Соли 2008 Виталий дубора ба майдони бокс баргашт ва ҳаққи хизмати варзишгар дар ҳар набард аз 4 то 5 млн. доллар муайян гардид, ки чунин маблағ дар он замон рекордӣ маҳсуб меёфт. Ӯ 11 октябр муқобили Самуел Питери нигериягӣ ба майдон баромада, ҳамагӣ дар дақиқаи дуввум рақибро бо нокаути техникӣ мағлуб намуд.
Ҳамин тавр, Виталий аз соли 2008, ки дувумбора ба майдони бокс баргашт, то хатми корномаи варзишии хеш, яъне то соли 2012 боре ҳам шикаст нахӯрда, сарсахттарин рақибонро аз сари роҳ бардошту дар олами бокс рекорди ҷадид гузошт. Бояд гуфт, ки Кличко дар тамоми фаъолияти хеш аз рақобатҳои гузаронидааш 165. млн доллар маблағ ба даст овардааст.
ҲАЁТИ ШАХСӢ
Соли 1996 дар озмуни “Хонуми сол” Виталий бо зебосанам, модел Наталия Егорова шинос гардид ва нахустшиносоии онҳо ба муҳаббат табдил ёфта, соли 1998 онҳо бо ҳам издивоҷ намуданд. Наталия дар баробари модели шинохта буданаш, инчунин сарояндаи хуб низ ба ҳисоб меравад ва дар тамоми мусобиқаҳои шавҳараш маҳз ӯ суруди миллии Украинаро месароид. Дар натиҷаи зиндагии хушбахтона ин оила соҳиби се фарзанд гардид.
Соли 2005 тавлиди шоҳписар дар оилаи варзишгар нишоти ӯро даҳчанд гардонид. Ба хотири эҳтироми беандозаи Виталий нисбати муштзани беҳамтои олмонӣ Макс Шмеленг ба писараш номи Максимро гузошт.
Соли 2012 ҳунарманд ва коргардони шинохтаи Ҳоливуд Силвестр Сталлоне дар бораи ҳаёт ва фаъолияти бародарон Виталий ва Владимир филм зери унвони “Бародарон Кличкоҳо”-ро рӯи пардаи синамо овард, ки ин филмнома дигарбора бузургии бародарони бомаҳоратро инъикос менамуд.
Пас аз пурра хотима бахшидан ба корномаи варзишии хеш Виталий дигарбора ба сиёсат пайваста, шаҳрдори шаҳри Киев интихоб гардид.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед