19-22 марти соли 2016 дар шаҳри Москваи Федератсияи Руссия Намоишгоҳи байналмилалии туристии "Интурмаркет-2016" баргузор мегардад.

Намоишгоҳ майдони 28000 метри муррабаъро фаро гирифта, дар он 1430 ширкатҳои сайёҳӣ, 78 500 иштирокчӣ аз 143 кишвар дар назар дошта шудааст.

Дар ин ҳамоиш Тоҷикистон зери шиори «Тоҷикистон – кишвари туризм» иштирок мекунад. Дар доираи ин намоишгоҳи байналмилалии туристӣ намояндагони Кумитаи ҷавонон, варзиш ва сайёҳӣ, Сафорати Ҷумҳурии Тоҷикистон дар Федератсияи Руссия, 6 ширкати туристии ватанӣ, Ширкати ҳавопаймоии «Сомон-Эйр», меҳмонхонаи «Душанбе-Серена» ва Маҷмааи лижаронию сайёҳии «Сафед-Дара» захираҳои туристии кишварро муаррифӣ менамоянд.

Намоишгоҳи "Интурмаркет" аз соли 2006 ҳар сол баргузор мешавад. Тибқи маълумот, имсол бо сабаби вазъи сиёсӣ, иҷтимоӣ ва иқтисодии ҷаҳон теъдоди ширкатҳои туристии Федератсияи Руссия зиёд шудааст.