Аз 30 сентябр то 2 октябри соли равон бо ташаббуси Кумитаи ҷавонон, варзиш ва сайёҳӣ ва Ассотсиатсияи экологии фарҳангии Помир 3-юмин мусобиқаи байналмилалии варзишӣ-сайёҳӣ оид ба қайиқронӣ (Regatta)  баргузор мегардад.

Чорабинӣ дар кӯли калонтарини кишвар - «Қарокӯл» доир шуда, дар он зиёда аз 25  варзишгар аз давлатҳои ШМА, Фаронса, Олмон, Канада, Швейтсария, Қирғизистон ва Тоҷикистон иштирок мекунанд.

Чорабинӣ воситаи беҳтарини муаррифии имконоти туристии Тоҷикистон дар арсаи байналмилалӣ ва ҷалби хоҳишмандону мухлисони ин намуди зебои варзиши сайёҳӣ ба Тоҷикистон мебошад.