Дар ноҳияи Б. Ғафуров, санаи 16-уми июл, аз ҷониби аъзоёни маҳфили  “Пайравони Пешвои миллат”-и Бахши кор бо ҷавонон ва варзиши ноҳия аксияҳо таҳти унвонҳои “Бо Президентам ифтихор мекунам”, “Ҷавонон-  пайравони Пешвои миллат”, “Аз оворагардӣ ба донишомӯзӣ”, “Барои Тоҷикистони озоди соҳибистиқлол хизмат мекунем!” ва “Мо ҷавонон амалҳои ифротиро маҳкум менамоем!” гузаронида шуд.

Дар ҷараёни аксия ба сокинон варақаҳои иттилоотӣ вобаста ба мавзуъҳои аксия тақсим гардида, масъулин ҳадаф аз баргузории аксияҳоро тарғиби сиёсати давлатӣ, даъвати ҷавонон ба донишомӯзӣ, тарбияи ҷавонон дар роҳи ватандӯстиву миллатпарастӣ, худогоҳиву хештаншиносӣ, маҳкум намудани амалҳои ифротгароӣ ва номатлуб маънидод намуданд.