Дар доираи силсилавохӯриҳо бо бошандагони хобгоҳҳои макотиби олӣ бахшида ба “Соли ҷавонон” 3 май дар хобгоҳи №2-и Донишкадаи молия ва иқтисоди Тоҷикистон вохӯрии навбатии намояндагони Вазорати тандурустӣ ва ҳифзи иҷтимоии аҳолӣ, Кумитаи ҷавонон варзиш ва сайёҳӣ ва Кумитаи кор бо занон ва оила доир гардид.

Замни вохӯрӣ мутасаддиён донишҷӯёнро дар доираи “Соли ҷавонон” ва 20-солагии Ваҳдати миллӣ ба ободкорию бунёдкорӣ даъват намуданд.

Мутахассиси пешбари Раёсати ҷавонон, варзиш ва сайёҳӣ Розиқов Дилошӯб қайд кард: “ 27- юни ҳар сол дар саросари Тоҷикистони соҳибистиқлоли мо яке аз ҷашнҳои бузург ва таърихии миллатамон - Рӯзи ваҳдати миллӣ ва ба имзо расидани Созишномаи умумии истиқрори сулҳ ва ризоияти миллӣ таҷлил карда мешавад. Ба ин муносибат ҳамаи шумоёнро самимона табрик менамоям. Мо ҷавононро месазад, ки дар “Соли ҷавонон” тамоми ҷиду ҷаҳд ва қувваи худро баҳри дар сатҳи баланд ҷашн гирифтани ин ҷашни таърихӣ равона созем”.

Дар фарҷоми мулоқот байни донишҷӯёну намояндаҳо суҳбати озод ва суолу ҷавоб доир гардид.

Хуршед МАВЛОНОВ, “ҶТ”