Гурӯҳи кории Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади расонидани муҳтавои суханронии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мулоқоту вохуриҳои судмандро бо ҷавонону наврасон, аҳли ҷамоатчигӣ ва варзишагрони шаҳру ноҳияҳои ВМКБ оғоз намуданд.

Нахуст, суҳбату мулоқотҳои судманд бо муҳассилини муассисаҳои таҳсилоти миёна, кормандони соҳаи кор бо ҷавонон, масъулини соҳаи тарбияи ҷисмонӣ, варзишгарон, кормандони соҳаи маорифу тандурустӣ ва сокинони шаҳри Хоруғ оғоз гардида, дар давоми рӯз масъулини Кумита чорабиниҳои гуногунро дар шаҳр доир намуданд.

Ёдовар бояд шуд, ки баргузории чунин мулоқоту вохуриҳо дар ҳудуди вилоят идома ёфта, дар тамоми шаҳру ноҳияҳои он бо доираи васеи сокинон доир карда мешавад.