Имрӯз, ки дар шаҳри Бохтар форуми "Хатлон Инвест" доир гардида истодааст, дар ҷараёни он ба соҳибкорзанони вилояти Хатлон грантҳо дода шуда, ҳамзамон қарордоду созишномаи ҳамкорӣ ба имзо хоҳад расид.

Тибқи иттилоъ дар ҷараёни форуми "Хатлон Инвест" ба 30 нафар соҳибкорзанони вилояти Хатлон грантҳои раиси вилояти Хатлон ба маблағи умумии 500 000 сомонӣ супорида мешавад. Грантҳои раиси вилояти Хатлон барои татбиқи лоиҳаҳо дар самти рушди кишоварзӣ, корхонаҳои хурди истеҳсолӣ, дӯзандагӣ ва ғайра пешбинӣ гардидаанд.

Ба таъкиди масъулин, инчунин дар назар аст, ки дар рафти форум беш 30 қарордоду созишномаи ҳамкорӣ ба маблағи зиёда аз 500 миллион сомонӣ ба имзо расонида шавад.