Дирӯз-3 сентябр Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо Семен Григорев, Сафири Фавқулода ва Мухтори Федератсияи Россия дар Ҷумҳурии Тоҷикистон мулоқот намуд.

Дар ин хусус аз маркази таҳлил ва иттилооти Кумитаи кор бо ҷавонон ва варзиш иттилоъ доданд.

Гуфта мешавад, ки зимни он ҷонибҳо доир ба рушду таҳкими робитаҳои дӯстии ҷавонони ҳарду кишвар ва ҳамкории гуногунҷанбаи судманд дар самти кор бо ҷавонон ва варзиш табодули афкор намуданд.

Ҳамчунин зикр гардид, ки бо сиёсати пешгирифтаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия Владимир Путин дар самти кор бо ҷавонон ва варзиш ин ду кишвари дӯст ҳамкории хуб доранд.