Корхонаи воҳиди давлатии “Тоҷиксуғурта” дар нимсолаи аввали соли 2026 ба 68 шахсони ҳуқуқӣ ва 780 шахсони воқеие, ки ба молу амвол ва ҳаёту саломатиашон зарар расидааст, маблағи суғуртавӣ пардохт намудааст.

Дар ин хусус Мақсудзода Шуҳрат, директори генералии КВД “Тоҷиксуғурта” зимни нишасти матбуотӣ иттилоъ дод.

Ба таъкиди Мақсудзода ҳаҷми маблағи пардохтшудаи суғуртавӣ 1135,1 ҳазор сомониро ташкил медиҳад, ки аз ин 17,7 ҳазор сомонӣ ба шакли ҳатмии суғурта ва 1117,4 ҳазор сомонӣ ба шакли ихтиёрии суғурта рост омадааст.

Аз маблағҳои умумии пардохтшуда 51,7% ба шаҳри Душанбе, 30,0% ба вилояти Хатлон, 3,7% ба шаҳру ноҳияҳои тобеи ҷумҳурӣ, 5,9% ба ВМКБ, 7,1% ба вилояти Суғд ва 1,6% ба дастгоҳи марказии корхона рост меояд.

Қайд гардид, ки корхона ба буҷет дар маҷмуъ беш аз 6,1 миллион сомонӣ маблағҳои андоз ва дигар пардохтҳои ҳатмиро пардохт намудааст, ки нисбат ба ҳамин давраи соли соли 2025-ум 46,1 ҳазор сомонӣ зиёд мебошад.

Ш. АЗИМОВА, “ҶТ”