Конфедератсияи футболи Осиё ҳайати пурраи сабадҳоро барои қуръакашии ниҳоии Ҷоми Осиё (U-23) муаррифӣ кард. Маросими қуръакашии ин мусобиқа 17-уми феврал баргузор мешавад.

Дастаи мунтахаби ҷавонони Тоҷикистон (U-23), ки дар Ҷоми Осиё бори нахуст бозӣ мекунад, дар сабади чаҳорум қарор гирифтааст.

Аз рӯи натиҷаи қуръакашӣ чор гурӯҳ иборат аз чор дастаӣ ташкил карда мешавад. Аз ҳар гурӯҳ ду даста ба даври чорякниҳоӣ роҳ меёбад.

Ёдовар мешавем, ки тибқи тақвими Конфедератсияи футболи Осиё, қисми ниҳоии Ҷоми Осиё-2022 (U-23), аз 1-ум то 19-уми июн дар Ҷумҳурии Ӯзбекистон ба нақша гирифта шудааст.

Амони МУҲАММАД, коромӯзи “ҶТ”