ВАРЗИШ
Шанбе 13 Июн 2026 11:13
Аз 14 то 16-уми феврали соли равон дар шаҳри Бокуи Озарбойҷон мусобиқаи навбатии сайри ҷаҳонии ҷудо дар соли 2025 “Baku Grand Slam 2025” доир гашт.
Тоҷикистонро дар мусобиқаи мазкур, 6 варзишгар - Абубакр Шеров бо Муҳиддин Асадуллоев дар вазни то 73 кг, Баҳрӯз Хоҷазода бо Сомон Маҳмадбеков дар вазни то 81 кг, Ҷаҳонгир Маҷидов ва Кароматулло Ҳакимов дар вазни то 100 кг намояндагӣ карданд.
Дар мусобиқаи мазкур Беҳрӯз Хоҷазода бори аввал дар вазни то 81 кг баромад кард. Ӯ то ин замон зери вазни 73 кг ҳунарнамоӣ мекард.
Варзишгарони мо дар мусобиқаи мазкур ҳунарнамоиро аз рӯзи дуюм оғоз карданд. Дар ин рӯз Тоҷикистонро 4 варзишгари меҳан – Абубакр Шеров, Муҳиддин Асадуллоев, Беҳрӯз Хоҷазода ва Сомон Маҳмадбеков намояндагӣ карданд.
Аз ин миён танҳо ба як варзишгари мо имкон даст дод, ки медал ба даст биёрад. Се нафари дигар дар марҳилаҳои гуногун ноком шуданд. Ягона медали ҷудокорони тоҷикро Абубакр Шеров ба даст овард. Ӯ пас аз шикасти се ҳарифи худ ба марҳилаи нимниҳоӣ расида, дар ин марҳила аз Рашид Мамадалиеви озарбойҷонӣ шикаст хӯрд ва имкони баромадан ба марҳилаи ниҳоиро аз даст дод. Ҳамин тавр, ӯ рақобатро барои медали биринҷӣ идома дод ва бо шикаст додани Георгий Чихелидзе аз Гурҷистон онро ба гардан овехт.
Се варзишгари дигари мо - Сомон Маҳмадбеков, Беҳрӯз Хоҷазода ва Муҳиддин Асадуллоев дар марҳилаҳои гуногун ба бохт рӯ ба рӯ шуда, аз гирифтани медал маҳрум гаштанд.
Дар рӯзи охирини рақобатҳои “Гранд Слам”-и Боку дар Озарбойҷон ду варзишгари дигари тоҷик Ҷаҳонгир Маҷидов ва Кароматулло Ҳакимов дар вазни то 100 кг қувваозмоӣ карданд.
Ҷаҳонгир Маҷидов бо шикаст додани ду ҳарифи худ ба марҳилаи нимниҳоӣ роҳ ёфта, дар ин марҳила аз Арай Дотаи ҷопонӣ шикаст хурд. Баъди ин ӯ барои гирифтани зинаи сеюм бо намояндаи Федератсияи байналмилалии ҷудо Маҳмадалӣ Матаев мубориза бурд. Дар ин рақобат ҳарифи Ҷаҳонгир се огоҳӣ ё ба истилоҳ шидо гирифта, аз мусобиқа ҳазф шуд. Ҳамин тавр, Ҷаҳонгир Маҷидов барандаи медали биринҷӣ гардид.
Варзишгари дигари кишвар Кароматулло Ҳакимов бошад, дар аввалин набарди худ аз рақиби қазоқаш шикаст хӯрда, аз идомаи мусобиқа бенасиб монд.
Ҳамин тавр, варзишгарони кишвар бо касби ду медали биринҷӣ мусобиқаи “Baku Grand Slam 2025”-ро ба анҷом расониданд. Кишвари мо бо ду медал дар ҷадвали мусобиқот мақоми 12-умро касб кард.
Ҳошим РАҲМАТУЛЛОЕВ, “ҶТ”
Тоҷикистонро дар мусобиқаи мазкур, 6 варзишгар - Абубакр Шеров бо Муҳиддин Асадуллоев дар вазни то 73 кг, Баҳрӯз Хоҷазода бо Сомон Маҳмадбеков дар вазни то 81 кг, Ҷаҳонгир Маҷидов ва Кароматулло Ҳакимов дар вазни то 100 кг намояндагӣ карданд.
Дар мусобиқаи мазкур Беҳрӯз Хоҷазода бори аввал дар вазни то 81 кг баромад кард. Ӯ то ин замон зери вазни 73 кг ҳунарнамоӣ мекард.
Варзишгарони мо дар мусобиқаи мазкур ҳунарнамоиро аз рӯзи дуюм оғоз карданд. Дар ин рӯз Тоҷикистонро 4 варзишгари меҳан – Абубакр Шеров, Муҳиддин Асадуллоев, Беҳрӯз Хоҷазода ва Сомон Маҳмадбеков намояндагӣ карданд.
Аз ин миён танҳо ба як варзишгари мо имкон даст дод, ки медал ба даст биёрад. Се нафари дигар дар марҳилаҳои гуногун ноком шуданд. Ягона медали ҷудокорони тоҷикро Абубакр Шеров ба даст овард. Ӯ пас аз шикасти се ҳарифи худ ба марҳилаи нимниҳоӣ расида, дар ин марҳила аз Рашид Мамадалиеви озарбойҷонӣ шикаст хӯрд ва имкони баромадан ба марҳилаи ниҳоиро аз даст дод. Ҳамин тавр, ӯ рақобатро барои медали биринҷӣ идома дод ва бо шикаст додани Георгий Чихелидзе аз Гурҷистон онро ба гардан овехт.
Се варзишгари дигари мо - Сомон Маҳмадбеков, Беҳрӯз Хоҷазода ва Муҳиддин Асадуллоев дар марҳилаҳои гуногун ба бохт рӯ ба рӯ шуда, аз гирифтани медал маҳрум гаштанд.
Дар рӯзи охирини рақобатҳои “Гранд Слам”-и Боку дар Озарбойҷон ду варзишгари дигари тоҷик Ҷаҳонгир Маҷидов ва Кароматулло Ҳакимов дар вазни то 100 кг қувваозмоӣ карданд.
Ҷаҳонгир Маҷидов бо шикаст додани ду ҳарифи худ ба марҳилаи нимниҳоӣ роҳ ёфта, дар ин марҳила аз Арай Дотаи ҷопонӣ шикаст хурд. Баъди ин ӯ барои гирифтани зинаи сеюм бо намояндаи Федератсияи байналмилалии ҷудо Маҳмадалӣ Матаев мубориза бурд. Дар ин рақобат ҳарифи Ҷаҳонгир се огоҳӣ ё ба истилоҳ шидо гирифта, аз мусобиқа ҳазф шуд. Ҳамин тавр, Ҷаҳонгир Маҷидов барандаи медали биринҷӣ гардид.
Варзишгари дигари кишвар Кароматулло Ҳакимов бошад, дар аввалин набарди худ аз рақиби қазоқаш шикаст хӯрда, аз идомаи мусобиқа бенасиб монд.
Ҳамин тавр, варзишгарони кишвар бо касби ду медали биринҷӣ мусобиқаи “Baku Grand Slam 2025”-ро ба анҷом расониданд. Кишвари мо бо ду медал дар ҷадвали мусобиқот мақоми 12-умро касб кард.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед