ВАРЗИШ
Ҷумъа 26 Апрел 2024 01:03
Бо дастгириҳои Ҳукумати Ҷумҳурии Тоҷикистон ва раиси шаҳри Душанбе муҳтарам Рустами Эмомалӣ гӯштини миллии тоҷикӣ дар Вазорати адлияи давлати Швейтсария ба қайд гирифта шуд. Ҳамин тавр, гӯштини миллии тоҷикӣ мақоми байналмилалиро соҳиб гардида, дорои сертификати байналмилалӣ шуд. Оид ба соҳиб гаштан ба ин мақом ва паҳлуҳои дигари масъала бо Абдулло Саидхоҷаев, котиби генералии Федератсияи гӯштингирии Тоҷикистон суҳбате оростем, ки фишурдаи онро пешкаши хонанда мегардонем.
- Сараввал мехостем барои хонандагони мо шарҳ диҳед, ки Вазорати адлияи давлати Швейтсария чӣ бартарияте дорад, ки ба гӯштини миллии тоҷикӣ мақоми байналмилалӣ дод?
- Бисёр саволи ба маврид. Чунин як қоидае аст, ки агар дилхоҳ ташкилоти байналмилалии варзишӣ худро дар Раёсати адлия ва корҳои дохилии Вазорати адлияи давлати Швейтсария ба қайд гирад, ба таври худкор ба он мақоми байналмилалӣ дода мешавад. Аз ҳамин нигоҳ пас аз бақайдгирӣ ба гӯштини миллии тоҷикӣ мақоми байналмилалӣ дода шуд ва федератсияи байналмилалии ин навъи гӯштин таъсис ёфт.
- Барои соҳиб гардидан ба ин мақом 19 марти соли 2022 дар шаҳри Душанбе пеш аз оғози баргузории мусобиқаи байналмилалӣ оид ба гӯштингирӣ бо иштироки намояндагони 31 давлати дунё конфронс баргузор гардида буд. Намояндагони давлатҳои иштирокчӣ ин тасмимро чӣ гуна ҷонибдорӣ намуданд?
- Намояндагони давлатҳое, ки дар конференсияи моҳи марти соли 2022 иштирок доштанд, ба тасмими мо эҳтиром гузоштанду хуб пазируфтанд. Пас аз баргузории мусобиқаи байналмилалӣ оид ба гӯштингирӣ назари иштирокчиён дигар шуд. Ҳатто баъзе давлатҳо хостанд, ки федератсияи ин навъи гӯштинро дар кишварҳои худ таъсис диҳанд. Албатта, ҳар як федератсияи байналмилалӣ кӯшиш менамояд, ки гӯштини миллии давлати худро ба ҷаҳониён муаррифӣ намояд. Федератсияи гӯштингирии Тоҷикистон низ ин намуди варзишро бо нақшаҳои дурнамо пешбинӣ намуда, тавонист ба иштирокчиён дар сатҳи заруриӣмуаррифӣ созад.
- То ба ин зинаҳо расидан Федератсия чӣ монеаҳоро паси сар кард? Ягона мушкилоти Федератсия чӣ буд, ки то кунун ба гӯштини миллии мо мақоми байналмилалӣ дода нашуда буд?
- Албатта, ягон кор бе мушкилӣ намешавад. Федератсия то ба ин зинаҳо расидан мушкилиҳои зиёдеро паси сар намуда, камбудиҳои зиёдеро бартараф кард. Пеш аз ҳама, барои мо мушкил надоштани либоси ягонаи варзишӣ ва қонуну қоидаҳои он буд. Қоидаи дурусте надоштем, ки дар сатҳи байналмилалӣ ҷавобгӯ бошад. Доварони ботаҷриба низ намерасиданд. То соли 2020 мо ҳатто либоси ягонаи худро надоштем ва бо либоси самбо баромад мекардем. Бо пешниҳоди раиси шаҳри Душанбе муҳтарам Рустами Эмомалӣ Федератсия дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Донишкадаи тарбияи ҷисмонии Тоҷикистон ба номи С. Раҳимов либоси ягонаи гӯштини миллиро таҳия кард.
Ҳозир мо ҳам либоси ягонаи худро дорем ва қонуну қоидаҳои гӯштини миллии тоҷикиро. Доварони ботаҷриба низ дорем. Пас аз ин камбудиҳоро бартараф кардан, мо гӯштини миллиро ба сатҳи ҷаҳонӣ баровардем ва он мақоми байналмилалӣ гирифт.
- Барои соҳиб гаштан ба ин мақом киҳо бештар саҳм доранд?
- Бо дастуру ҳидоятҳои варзишпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои бевоситаи раиси шаҳри Душанбе муҳтарам Рустами Эмомалӣ ва инчунин ҷаҳду талошҳои Лоиқ Бегиҷонзода, раиси Федератсияи гӯштингирии Тоҷикистон мо ба ин рӯзҳои нек расидем. Саҳми онҳо дар рушду нумуъ ва мақоми байналмилалӣ пайдо кардани гӯштини миллии тоҷикӣ беназир аст.
- Ба андешаи шумо чӣ чиз буд, то гӯштини миллӣ мақоми байналмилалиро соҳиб шавад?
- Албатта, ин дурнамои Федератсия буд ва бо гузоштани заминаҳои мусоид, ҷалби бештари давлатҳои хориҷӣ ва дастгириҳои ҳамешагии раиси шаҳри Душанбе муҳтарам Рус-тами Эмомалӣ ва орзуи ҳар як масъули Федератсия, мураббиёну варзишгарон ва мухлисони ин намуди варзиш боис гардид, ки ин намуди варзиш байналмилалӣ гардад.
- Баъд аз соҳиб шудан ба ин мақом гӯштини миллии тоҷикӣ то куҷо дар ҷомеаи ҷаҳонӣ ҷойгоҳи муносиби хешро пайдо мекунад?
- То куҷо гӯштини миллӣ дар ҷомеа ҷаҳонӣ мақоми шоистаи худро пайдо мекунад, сараввал аз ҷомеаи Тоҷикистон, масъулини соҳа ва Федератсия вобастагӣ дорад. Дар ин кори нек васоити ахбори омма низ метавонанд, саҳми муносиби хешро гузоранд. Имрӯз ҳар яки моро зарур аст, ки ин намуди гӯштини суннатии худ-ро дар сатҳи баланд муаррифӣ намоем.
- Ба ҷуз ин, гӯштини миллии тоҷикӣ боз дар кадом давлатҳо ба қайд гирифта шудааст?
- Федератсияи байналмилалии гӯштингирӣ қадамҳои нахустини худро аз кушодани намояндагии худ дар шаҳри Твери Федератсияи Русия оғоз намуда, соли ҷорӣ нақша дорад, ки боз як қатор давлатҳои дигари ҳавасманд ба гӯштини миллии тоҷикиро ба худ ҳамроҳ намояд.
- Оё бо ин дастовард мешавад гуфт, ки дар солҳои наздик гӯштини миллии тоҷикӣ дар рӯйхати Бозиҳои олимпӣ ворид мегардад? Ва чӣ қадар муҳлат лозим?
- Барои ба Бозиҳои олимпӣ ворид шудани намуди гӯштингирӣ дар навбати аввал моро зарур аст ин намудро дар Тоҷикистон рушд диҳем. Баъдан дар давлатҳои Осиёву Аврупо ва умуман ҷаҳон федератсияҳои ин навъи гӯштинро кушоем. Бо ин кор ба як қатор созмонҳои байналмилалии варзишӣ бояд ворид гардем. Худо хоҳад ин ҳам мешавад ва давра ба давра гӯштини миллии тоҷикӣ ба Бозиҳои олимпӣ ҳам ворид мегардад.
- Боз кадом корҳоро бояд анҷом диҳем, ки гӯштини миллии тоҷикӣ бештар ба ҷаҳониён муаррифӣ шавад?
- Мо соли ҷорӣ нақша дорем, ки як қатор чорабиниҳои варзишӣ, аз ҷумла Чемпионати ҷаҳон, Осиё ва Ҷоми ҷаҳонро баргузор намоем. Барои ин моро зарур аст, ки дар навбати аввал ба ин самти варзиш таваҷҷуҳи махсус зоҳир намоем. Вобаста ба имкониятҳои ҷойдошта барномаҳои давлатиро таҳия ва қабул намоем ва тарғибу ташвиқи ин намуди варзишро боз ҳам зиёдтар гардонем.
- Федератсия мавсимро бо чӣ натиҷаҳо ҷамъбаст кард ва дар мавсими нав мухлисон шоҳиди чӣ навгониҳо шуда метавонанд?
- Соли ҷорӣ барои Федератсияи гӯштингирӣ бисёр соли таърихӣ ва хотирмон буд. Дар ин сол намояндагони 31 давлат дар мусобиқаи байналмилалӣ оид ба гӯштингирӣ дар пойтахти азизамон шаҳри Душанбе иштирок карданд. Ҳамзамон, бо ташаббуси МИҲД шаҳри Душанбе Чемпионати Ҷумҳурии Тоҷикистон ва мусобиқаи байналмилалии гӯштини миллӣ баргузор гардид. Дар мусобиқаҳои мазкур паҳлавонон аз Узбекистон, Қазоқистон, Қирғизистон, Русия, Эрон, Озарбойҷон ва Қувайт иштирок намуданд. Ҳамзамон бо ташаббуси мақомоти иҷроияи ҳокимияти давлатии вилояти Суғд моҳи декабри соли 2022 мусобиқаи байналмилалӣ оид ба гӯштингирӣ барои дарёфти Ҷоми Президенти Ҷумҳурии Тоҷикистон дар сатҳи байналмилалӣ баргузор шуд.
Федератсияи гӯштингирии Тоҷикистон дар соли ҷорӣ нақша дорад, ки мусобиқаҳои сатҳи байналмилалӣ, аз қабили Чемпионати ҷаҳон ва Осиё, инчунин дигар мусобиқаи байналмилалиро дар кишвари азизамон роҳандозӣ намояд. Мусобиқаҳои дар пешистода тибқи қоидаҳои байналмилалии гӯштингирӣ дар сатҳи ҷаҳонӣ баргузор карда мешавад.
- Сараввал мехостем барои хонандагони мо шарҳ диҳед, ки Вазорати адлияи давлати Швейтсария чӣ бартарияте дорад, ки ба гӯштини миллии тоҷикӣ мақоми байналмилалӣ дод?
- Бисёр саволи ба маврид. Чунин як қоидае аст, ки агар дилхоҳ ташкилоти байналмилалии варзишӣ худро дар Раёсати адлия ва корҳои дохилии Вазорати адлияи давлати Швейтсария ба қайд гирад, ба таври худкор ба он мақоми байналмилалӣ дода мешавад. Аз ҳамин нигоҳ пас аз бақайдгирӣ ба гӯштини миллии тоҷикӣ мақоми байналмилалӣ дода шуд ва федератсияи байналмилалии ин навъи гӯштин таъсис ёфт.
- Барои соҳиб гардидан ба ин мақом 19 марти соли 2022 дар шаҳри Душанбе пеш аз оғози баргузории мусобиқаи байналмилалӣ оид ба гӯштингирӣ бо иштироки намояндагони 31 давлати дунё конфронс баргузор гардида буд. Намояндагони давлатҳои иштирокчӣ ин тасмимро чӣ гуна ҷонибдорӣ намуданд?
- Намояндагони давлатҳое, ки дар конференсияи моҳи марти соли 2022 иштирок доштанд, ба тасмими мо эҳтиром гузоштанду хуб пазируфтанд. Пас аз баргузории мусобиқаи байналмилалӣ оид ба гӯштингирӣ назари иштирокчиён дигар шуд. Ҳатто баъзе давлатҳо хостанд, ки федератсияи ин навъи гӯштинро дар кишварҳои худ таъсис диҳанд. Албатта, ҳар як федератсияи байналмилалӣ кӯшиш менамояд, ки гӯштини миллии давлати худро ба ҷаҳониён муаррифӣ намояд. Федератсияи гӯштингирии Тоҷикистон низ ин намуди варзишро бо нақшаҳои дурнамо пешбинӣ намуда, тавонист ба иштирокчиён дар сатҳи заруриӣмуаррифӣ созад.
- То ба ин зинаҳо расидан Федератсия чӣ монеаҳоро паси сар кард? Ягона мушкилоти Федератсия чӣ буд, ки то кунун ба гӯштини миллии мо мақоми байналмилалӣ дода нашуда буд?
- Албатта, ягон кор бе мушкилӣ намешавад. Федератсия то ба ин зинаҳо расидан мушкилиҳои зиёдеро паси сар намуда, камбудиҳои зиёдеро бартараф кард. Пеш аз ҳама, барои мо мушкил надоштани либоси ягонаи варзишӣ ва қонуну қоидаҳои он буд. Қоидаи дурусте надоштем, ки дар сатҳи байналмилалӣ ҷавобгӯ бошад. Доварони ботаҷриба низ намерасиданд. То соли 2020 мо ҳатто либоси ягонаи худро надоштем ва бо либоси самбо баромад мекардем. Бо пешниҳоди раиси шаҳри Душанбе муҳтарам Рустами Эмомалӣ Федератсия дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Донишкадаи тарбияи ҷисмонии Тоҷикистон ба номи С. Раҳимов либоси ягонаи гӯштини миллиро таҳия кард.
Ҳозир мо ҳам либоси ягонаи худро дорем ва қонуну қоидаҳои гӯштини миллии тоҷикиро. Доварони ботаҷриба низ дорем. Пас аз ин камбудиҳоро бартараф кардан, мо гӯштини миллиро ба сатҳи ҷаҳонӣ баровардем ва он мақоми байналмилалӣ гирифт.
- Барои соҳиб гаштан ба ин мақом киҳо бештар саҳм доранд?
- Бо дастуру ҳидоятҳои варзишпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои бевоситаи раиси шаҳри Душанбе муҳтарам Рустами Эмомалӣ ва инчунин ҷаҳду талошҳои Лоиқ Бегиҷонзода, раиси Федератсияи гӯштингирии Тоҷикистон мо ба ин рӯзҳои нек расидем. Саҳми онҳо дар рушду нумуъ ва мақоми байналмилалӣ пайдо кардани гӯштини миллии тоҷикӣ беназир аст.
- Ба андешаи шумо чӣ чиз буд, то гӯштини миллӣ мақоми байналмилалиро соҳиб шавад?
- Албатта, ин дурнамои Федератсия буд ва бо гузоштани заминаҳои мусоид, ҷалби бештари давлатҳои хориҷӣ ва дастгириҳои ҳамешагии раиси шаҳри Душанбе муҳтарам Рус-тами Эмомалӣ ва орзуи ҳар як масъули Федератсия, мураббиёну варзишгарон ва мухлисони ин намуди варзиш боис гардид, ки ин намуди варзиш байналмилалӣ гардад.
- Баъд аз соҳиб шудан ба ин мақом гӯштини миллии тоҷикӣ то куҷо дар ҷомеаи ҷаҳонӣ ҷойгоҳи муносиби хешро пайдо мекунад?
- То куҷо гӯштини миллӣ дар ҷомеа ҷаҳонӣ мақоми шоистаи худро пайдо мекунад, сараввал аз ҷомеаи Тоҷикистон, масъулини соҳа ва Федератсия вобастагӣ дорад. Дар ин кори нек васоити ахбори омма низ метавонанд, саҳми муносиби хешро гузоранд. Имрӯз ҳар яки моро зарур аст, ки ин намуди гӯштини суннатии худ-ро дар сатҳи баланд муаррифӣ намоем.
- Ба ҷуз ин, гӯштини миллии тоҷикӣ боз дар кадом давлатҳо ба қайд гирифта шудааст?
- Федератсияи байналмилалии гӯштингирӣ қадамҳои нахустини худро аз кушодани намояндагии худ дар шаҳри Твери Федератсияи Русия оғоз намуда, соли ҷорӣ нақша дорад, ки боз як қатор давлатҳои дигари ҳавасманд ба гӯштини миллии тоҷикиро ба худ ҳамроҳ намояд.
- Оё бо ин дастовард мешавад гуфт, ки дар солҳои наздик гӯштини миллии тоҷикӣ дар рӯйхати Бозиҳои олимпӣ ворид мегардад? Ва чӣ қадар муҳлат лозим?
- Барои ба Бозиҳои олимпӣ ворид шудани намуди гӯштингирӣ дар навбати аввал моро зарур аст ин намудро дар Тоҷикистон рушд диҳем. Баъдан дар давлатҳои Осиёву Аврупо ва умуман ҷаҳон федератсияҳои ин навъи гӯштинро кушоем. Бо ин кор ба як қатор созмонҳои байналмилалии варзишӣ бояд ворид гардем. Худо хоҳад ин ҳам мешавад ва давра ба давра гӯштини миллии тоҷикӣ ба Бозиҳои олимпӣ ҳам ворид мегардад.
- Боз кадом корҳоро бояд анҷом диҳем, ки гӯштини миллии тоҷикӣ бештар ба ҷаҳониён муаррифӣ шавад?
- Мо соли ҷорӣ нақша дорем, ки як қатор чорабиниҳои варзишӣ, аз ҷумла Чемпионати ҷаҳон, Осиё ва Ҷоми ҷаҳонро баргузор намоем. Барои ин моро зарур аст, ки дар навбати аввал ба ин самти варзиш таваҷҷуҳи махсус зоҳир намоем. Вобаста ба имкониятҳои ҷойдошта барномаҳои давлатиро таҳия ва қабул намоем ва тарғибу ташвиқи ин намуди варзишро боз ҳам зиёдтар гардонем.
- Федератсия мавсимро бо чӣ натиҷаҳо ҷамъбаст кард ва дар мавсими нав мухлисон шоҳиди чӣ навгониҳо шуда метавонанд?
- Соли ҷорӣ барои Федератсияи гӯштингирӣ бисёр соли таърихӣ ва хотирмон буд. Дар ин сол намояндагони 31 давлат дар мусобиқаи байналмилалӣ оид ба гӯштингирӣ дар пойтахти азизамон шаҳри Душанбе иштирок карданд. Ҳамзамон, бо ташаббуси МИҲД шаҳри Душанбе Чемпионати Ҷумҳурии Тоҷикистон ва мусобиқаи байналмилалии гӯштини миллӣ баргузор гардид. Дар мусобиқаҳои мазкур паҳлавонон аз Узбекистон, Қазоқистон, Қирғизистон, Русия, Эрон, Озарбойҷон ва Қувайт иштирок намуданд. Ҳамзамон бо ташаббуси мақомоти иҷроияи ҳокимияти давлатии вилояти Суғд моҳи декабри соли 2022 мусобиқаи байналмилалӣ оид ба гӯштингирӣ барои дарёфти Ҷоми Президенти Ҷумҳурии Тоҷикистон дар сатҳи байналмилалӣ баргузор шуд.
Федератсияи гӯштингирии Тоҷикистон дар соли ҷорӣ нақша дорад, ки мусобиқаҳои сатҳи байналмилалӣ, аз қабили Чемпионати ҷаҳон ва Осиё, инчунин дигар мусобиқаи байналмилалиро дар кишвари азизамон роҳандозӣ намояд. Мусобиқаҳои дар пешистода тибқи қоидаҳои байналмилалии гӯштингирӣ дар сатҳи ҷаҳонӣ баргузор карда мешавад.
Хабарҳои дигар
Рӯзнома
Эзоҳи худро нависед