ВАРЗИШ
Шанбе 27 Феврал 2021 05:37
3909
Мирзоалӣ Комил Ҷумъахон, сардори Корхонаи воҳиди давлатии “Роҳи оҳан” то соли 2022 раиси Федератсияи гуштини Тоҷикистон интихоб гардид. Мавсуф дар ин мақом Ҳукматуллоев Музаффарро иваз намуд. Ҳикатулло Музаффар, бо хоҳиши худаш аризаи истеъфояшро навиштааст.

Бино ба иттилои сомонаи расмии Кумитаи олимпии Тоҷикистон Ҳ. Музаффар дар ҷаласаи ғайринавбатии Шӯрои Федератсияи гӯштини Тоҷикистон (тарзи озод, юнони-румӣ, гӯштини тоторӣ), ки 22 феврал дар толори маҷлиси Кумитаи миллии олимпии Тоҷикистон баргузор гардидааст, таъкид намудааст, ки директории Мактаби маҳорати олии варзиш оид ба намудҳои гуштинро бар дӯш дорад ва бо сабаби серкорӣ наметавонад федератсияро низ ба роҳбарӣ гирад.

Гуфта мешавад, ки дар баробари Ҳикматулло Музаффаров ҳайати роҳбарии федератсия – муовин ва котиби генералӣ - низ истеъфо додаанд.

Мирзоалӣ Комил Ҷумъахон зимни суханронӣ дар ҷаласа дар назди Абдуллозода Аҳтам Рустам, муовини Президенти Кумитаи миллии олимпӣ, Абдуллозода Муҳаммадшо, котиби генералии Кумитаи миллии олимпӣ ва аъзоёни ҷаласа иброз доштааст, ки дар ҳамкорӣ бо мутахассисони соҳа барои рушди ин намуди варзиш дар ҷумҳурӣ аз тамоми имкониятҳо истифода хоҳад кард. “Боиси фараҳмандист, ки Пешвои миллат, Президенти ҷумҳурӣ, муҳтарам Эмомалӣ Раҳмон нисбат ба соҳаи варзиш таваҷҷуҳи хоса ва роҳбарии Кумитаи миллии олимпиро бар зимма доранд. Соҳаи варзиш, хусусан намудҳои гуштин дар кишвари мо сол то сол рушд мекунад, вале мо бояд қаноатманд нашуда, бештар кор кунем”, - гуфтааст Комил Ҷумъахон.

Интихоби муовин ва котиби генералии федератсияро бошад, дар ҷаласаи навбатӣ интихоб хоҳанд кард.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.