ҶАВОНОН
Якшанбе 20 Сентябр 2020 12:22
7247
Нимаи дуюми рӯзи 14 август дар муассисаи давлатии "Душанбе Плаза" мизи мудаввар дар мавзӯи роҳҳои самарабахш кардани фаъолияти маҳфили "Ҷавонони дар хориҷи кишвар таҳсилдошта" баргузор гардид.

Мизи мудаввар бо ташаббуси Кумитаи кор бо ҷавонон ва варзиши назди Ҳукумати кишвар доир гардида, дар он намояндагони Вазорати корҳои хориҷии ҷумҳурӣ, Вазорати корҳои дохилӣ, Кумитаи кор бо занон ва оилаи назди Ҳукумати мамлакат, Кумитаи рушди сайёҳӣ, Вазорати фарҳанг ва Вазорати маориф ва илми кишвар иштирок ва суханронӣ намуданд.

Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон чорабинии мазкурро ифтитоҳ намуда, дар ибтидо вобаста ба фаъолияти самарабахши маҳфили "Ҷавонони дар хориҷи кишвар таҳсилдошта" ибрози назар намуд.

Номбурда таъкид намуд, ки ҳадаф аз баргузор намудани чунин ҳамоиш дарёфти роҳу усул ё механизмҳои боз ҳам самараноктари ба роҳ мондани фаъолияти маҳфили "Ҷавонони дар хориҷи кишвар таҳсилдошта" ба ҳисоб меравад. Боиси ифтихор аст, ки сиёсати давлатии ҷавонон ва татбиқи бомароми он дар меҳвари сиёсати иҷтимоии Президенти кишвар муҳтарам Эмомалӣ Раҳмон қарор гирифта, пайваста масъалаҳои татбиқи ҳамгироии сиёсати давлатии ҷавонон дар дохил ва хориҷи кишвар, амалишавии ташаббусу иқдомоти ҷавонон аз ҷониби Ҳукумати кишвар ҳамеша мавриди дастгирӣ қарор меёбанд. 

маҳфил2.jpg

-Дар заминаи дастгириҳои хирадмандонаи Пешвои миллат аз соли 2014 сар карда, дар назди Кумитаи кор бо ҷавонон ва варзиш маҳфили "Ҷавонони дар хориҷи кишвар таҳсилдошта" таъсис дода шудааст, ки намояндагии маҳфил дар 17 кишвари дунё, махсусан дар Русия дар 32 минтақа ва дар Хитой дар 10 минтақа таъсис дода шудааст. Дар ин намояндагиҳои маҳфил пайваста чорабиниҳои гуногунро бо дастгирии намояндагиҳои дипломатии Ҷумҳурии Тоҷикистон дар хориҷи кишвар ташкил ва баргузор намуда истодаем”, - иброз дошт Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Ҳамзамон таъкид гардид, ки ба ҷавонон ҳамчун қишри фаъоли ҷомеаву ояндаи давлату ҳукумат аз ибтидои соҳибистиқлолӣ таваҷҷуҳи махсус зоҳир гардида, дар ин замина барои рушди неруи зеҳнию ҷисмонии онҳо кулли имкониятҳои мусоид фароҳам оварда шудааст. Ҳамин гуна дастгириҳои роҳбарияти олии мамлакат аст, ки имрӯз ҷавонон баробари дар донишгоҳи олии кишвар дар муассисаҳои олии давлатҳои хориҷӣ низ пайи таҳсил буда, шумораи онҳо беш аз 30 ҳазор нафарро ташкил медиҳад. Давлату ҳукумат ба ҷавонон боварии комил дошта, дар ҳалли масъалаҳои гуногун ба онҳо такя мекунад. Аз ин рӯ, имрӯз ҷавонони кишварро лозим аст, ки бо истифода аз имкониятҳои мавҷуда илму дониш омӯзанду саҳми худро дар рушди кишвар гузоранд.

Дар идомаи маҳфил намояндагони сафоратҳои Ҷумҳурии Тоҷикистон дар кишварҳои Қазоқистон, Чин, Русия ва чанд кишвари дигар ба таври онлайнӣ дар мизи мудаввар ширкат карда, доир ба ҳаёту фаъолияти ҷавонони дар кишварҳои мазкур таҳсилкунанда, ибрози назар намуданд.

маҳфил3.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.