Имрӯз зимни нишасти хабарии Мақомоти иҷроияи ҳокимияти давлатии ноҳияи Шоҳмансури шаҳри Душанбе, Сафар Маҳмадшоҳ, раиси ноҳия иттилоъ дод, ки дар шаш моҳи аввали соли 2026 варзишгарони ноҳия 207 медал, аз ҷумла 79 медали тилло, 51 нуқра ва 77 биринҷӣ ба даст оварданд, ки нисбат ба ҳамин давраи соли гузашта 24 медал бештар мебошад.

Ба гуфтаи ӯ, бо мақсади ташвиқи тарзи ҳаёти солим, баланд бардоштани маҳорати варзишӣ ва пешгирии шомилшавии ҷавонон ба гурӯҳҳои ифротӣ, инчунин, коҳиш додани сатҳи ҷинояткорӣ миёни онҳо, 178 мусобиқаи варзишӣ аз рӯи намудҳои футболи хурд, гӯштингирӣ, волейбол, шашка ва шоҳмот бо иштироки зиёда аз 10 ҳазору 150 нафар доир шуд.

Зикр гардид, ки айни замон дар ноҳия 18 толори варзишӣ, 3 майдони варзишӣ, 49 майдончаи варзишӣ ва 8 маркази солимгардонӣ фаъолият дошта, дар онҳо 49 мураббӣ ба 9 ҳазору 856 нафар машқварзон хизмат мерасонанд.

Инчунин, дар давраи ҳисоботӣ ҷиҳати тақвияти тарбияи ватандӯстии наврасону ҷавонон 80 суҳбату вохӯрӣ, ҳамоиш, мизи мудаввар ва корҳои фаҳмондадиҳӣ бо фарогирии беш аз 10 ҳазору 765 нафарро баргузор гардидааст.

Гулафшон КАРИМОВА, “ҶТ”