Имрӯз, 19 май 13-ум Дави миллӣ ҳазорон нафарро дар сартосари ҷумҳурӣ ба ҳам овард.

Ба иттилои Кумитаи кор бо ҷавонон ва варзиши назди Ҳукумати Ҷумҳурии Тоҷикистон 438839 нафар дар Дави миллӣ иштирок намуданд, ки аз ин шумора 121029 нафарро бонувон ташкил медиҳад. 

Танҳо дар шаҳри Душанбе баҳри иштирок дар 13-умин Дави миллӣ ва дуюмин марафони велосипедронӣ ҳудуди 50 000 нафар ширкат карданд.

Иштирокчиёни ин маракаи муҳими варзиширо Лутфия Абдухолиқзода, сардори Раёсати илму маърифати Дастгоҳи иҷроияи Президенти ҷумҳурӣ, Маҳмадсаид Зувайдзода, муовини якуми раиси шаҳри Душанбе, Аҳтам Абдуллозода, раиси Кумитаи кор бо ҷавонон ва варзиш шодбош гуфтанд.

Дави миллӣ бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон шурӯъ аз соли 2007 якшанбеи сеюми моҳи май доир мегардад, ки сол аз сол шумораи иштирокчиён афзуда истодааст.