Дар доираи силсилачорабиниҳои “Соли ҷавонон” 3 май дар МТМУ №39 ноҳияи Шоҳмансур миёни хонандагони муассисаҳои таҳсилоти миёнаи умумии ноҳия озмуни маърифатии “Меҳрномаи Душанбе” ҷараён дорад.

Насимҷон Ҳасанов мудири бахши ҷавонон, варзиш ва сайёҳии ноҳияи Шоҳмансур мақсад аз баргузории озмунро тарғибу ташвиқи фазилати дӯст доштани Ватан, бедор намудани ҳисси ифтихори миллӣ, эҳёи анъанаҳои миллӣ, инчунин дарёфти истеъдодони ҷавон арзёбӣ кард.

Озмун аз рӯи 5 шарт гузаронида шуда, беҳтаринҳо дар Рӯзи ҷавонон – 23 май бо диплом ва мукофотҳои бахши ҷавонон, варзиш ва сайёҳии ноҳия қадрдонӣ хоҳанд шуд.

Шаҳбози АСОМИДДИН “ҶТ”